შინაგან საქმეთა მინისტრი ადასტურებს, რომ ვერტმფრენში მყოფი ყველა პირი დაიღუპა

უმძიმესი ტრაგედიით დასრულდა სამაშველო ოპერაცია გუდაურში. ვერტმფრენი, რომელიც პარაპლანისტების დასახმარებლად მიფრინავდა ხევში ჩავარდა. შსს ადასტურებს, რომ ეკიპაჟის ვერტმფრენში მყოფი ყველა პირი, ოთხი წევრი, ორი მაშველი და 2 მედიკოსი დაღუპულია.

"სამწუხაროდ, 8 ადამიანია გარდაცვლილი" - ამბობს ვახტანგ გომელაური.

მისივე ინფორმაციით, გარდაცვლილია ტურისტი, რომელიც პარაპლანით ფრინავდა, პარაპლანიტ პილოტი კი ცოცხალია, თუმცა დაშავებული.

"მინდა, პირველ რიგში, ღრმა მწუხარება გამოვთქვა მომხდარი ფაქტიდან გამომდინარე. მინდა მივუსამძიმრო დაღუპულების ოჯახებს...სამწუხაროდ, 8 ადამიანია გარდაცვლილი. ერთი ადამიანია დაშავებული, რომელიც პარაპლანით ფრინავდა და მასთან ერთად მყოფი უცხოელი ტურისტიც გარდაცვლილია. დაშავებული ქართველი ამოიყვანეს ვინც იყო, ის კლინიკაში სასწრაფო დახმარების თანამშრომლებს გადაყავს,“ - ამბობს გომელაური.