უბრალოდ ვნებიანი ლექსი
საკინძე შეხსნოდა, ვერც კი შეემჩნია,
გულის პირს შევნიშნე ხალი,
ჟინმა დამიარა, ჟინმა შლეგიანმა
მოვფერებოდი წამით.
თვალი გავაპარე ქათქათა მკერდისკენ,
შვენოდა პატარა ხალი,
სულში ჩამეღვარა ალერსის სურვილი,
თავი დავიღუპე ლამის ...
სურვილმა დამძლია ხელით შევხებოდი,
ამბორით დამესვა დაღი
ხალზე მეოცნება, ხალზე მეფიქრა და
ხალზე ჩამომეხრჩო თავი.
მაცდურად მიხმობდა შეხსნილი საკინძე
ნუთუ ვერ ავიხდენ წადილს?
- გეყოს ვაჟკაცობა! მოდი მომეფერე!
ჯიუტად მიხმობდა ხალი ...
სურვილი მოვთოკე,ჟინი შლეგიანი
ვცადე არ გამეცა თავი.
საფიცრად გამიხდა მის მკერდზე ამაყად
წამოსკუპებული ხალი ...
მსგავსი სიახლეები
კომენტარი