მე-11 საუკუნის ილორის წმ. გიორგის სახელობის ტაძარში რუსმა მღვდელ-მსახურმა მეტლახი დააგო
21-ე საუკუნის სამშენებლო მასალა მე-11 საუკუნის ტაძარში, ოკუპირებულ აფხაზეთში მდებარე ილორის წმინდა გიორგის სახელობის ტაძარში კედლების გადაღებვის, რუსული გუმბათის დადგმისა და უნიკალური ქართული წარწერების წაშლის შემდეგ, რუსმა მღვდელ-მსახურმა ეკლესიაში ახალი იატაკი დააგო.
კადრებში, რომელიც კურიერს ოკუპირებული ტერიტორიიდან მიაწოდეს, კარგად ჩანს უძველესი ქვებიც, რომლებიც რუსმა მღვდელმსახურმა ილორის ტაძრიდან აყარა და საკუთარი სახლის ეზოში ახალ სამლოცველოს აშენებს.
ილორის წმინდა გიორგის ტაძრის განადგურება საოკუპაციო რეჟიმმა 7 წლის წინ დაიწყო. კულტურული მემკვიდრეობის სააგენტოში ამბობენ, რომ არა ერთი მიმართვის მიუხედავად, ოკუპირებულ ტერიტორიაზე უძლურია ყველა საერთაშორისო ორგანიზაცია. სპეციალისტების განმარტებით, ძეგლების განადგურების პროცესს ვერც ქართული ეკლესიის ჩარევა შეაჩერებს.
სანამ ოფიციალური თბილისის კონტროლირებად ტერიტორიაზე ფიქრობენ, როგორ გადაარჩინონ კულტურული მემკვიდრეობის ძეგლები, ოკუპირებულ აფხაზეთში მცხოვრები ქართველები არ გამორიცხავენ, რომ ქართულ ტაძრებს რუსულმა ეკლესიამ ქართული კვალის საბოლოოდ წასაშლელად, სახელები გადაარქვას.
ვიდეო http://rustavi2.com/ka/news/68328
ავტორი: დავით კაკულია.
მსგავსი სიახლეები
კომენტარი