NDI - რა მიაჩნიათ საქართველოში მთავარ ეკოლოგიურ პრობლემად
"ეროვნულ-დემოკრატიულმა ინსტიტუტმა" (NDI) საზოგადოებრივი აზრის კვლევის შედეგები წარადგინა. კვლევის თანახმად, გამოკითხულთა უმრავლესობა მთავარ ეკოლოგიურ პრობლემად ჰაერის დაბინძურებას ასახელებს - 57%.
ასევე კვლევის მიხედვით, გამოკითხულთა 44% საკვების უსაფრთხოებას ასახელებს, 40% ჯანმრთელობისთვის საშიში ნივთიერებების არსებობას (ჰაერში, საკვებში, სათამაშოებში და სხვა), სასმელი წყლის დაბინძურება - 18%, მდინარეების, ტბების და წყალსაცავების დაბინძურება - 16% და ა.შ.
"ეროვნულ-დემოკრატიულმა ინსტიტუტმა" (NDI) კვლევის საველე სამუშაო, საქართველოს მასშტაბით, 6-20 დეკემბრის პერიოდში ჩაატარა და პირისპირ ინტერვიუს სახით, წარმომადგენლობითი შერჩევის საფუძველზე, 2 205 ადამიანი გამოკითხა. ცდომილების ზღვარი 2.1%-ია.
NDI საქართველოს ოფისი 2010 წლიდან ახორციელებს საზოგადოებრივი აზრის კვლევის პროგრამას. ამ კომპონენტის მთავარი მიზანია საზოგადოებრივი აზრის კვლევების ჩატარებისა და გაზიარების გზით, მოქალაქეების პრიორიტეტების შესახებ ინფორმაციის ხელმისაწვდომობისა და ხარისხის გაზრდა.
მსგავსი სიახლეები
კომენტარი