რეპერი გუფი ქეთა თოფურიასთან „რომანზე“ ალაპარაკდა და პირველ კომენტარს აკეთებს
გუფი ქეთასთან ერთად გადაღებულ ფოტოს აქვეყნებს და ვრცელ კომენტარს აკეთებს თოფურიასთან მისი შესაძლო რომანის შესახებ, რომლის შესახებაც ორი დღეა რუსული და ქართული მედია აქტიურად წერს:
„არც კი ვიცი ამაზე როგორი რეაგირება უნდა მოვახდინო. ლაიფ-ნიუსმა მთხოვა კომენტარი გამეკეთებინა აღნიშნულ საკითხზე, მაგრამ ვინაიდან ვიცი მათი ამბავი, როგორ ატრიალებენ ნათქვამს ისე, როგორც აწყობთ, ამიტომ მათთან კონტაქტში არ შევდივარ. სასამართლოში ჩივილსაც აზრი არ აქვს. გავჩუმდებოდი და არაფერს ვიტყოდი, ისე, როგორც ეს აქამდე გამიკეთებია და თან არა ერთხელ, თუმცა ამჯერად ჟურნალისტები ძალიან შორს წავიდნენ. მე და ქეთის კარგი ურთიერთობა გვაქვს, ვმეგობრობთ, თუმცა არ ვართ ისე ახლოს, რომ ერთად წავსულიყავით დასასვენებლად. ის კი არა, ერთ კუნძულზე რომ ვყოფილვართ, ეგეც სტატიიდან გავიგე. ქეთის ოჯახს დიდ პატივს ვცემ და არც ქეთა იმსახურებს ასეთ ლაფში ამოსვრას. მე, როგორც არასახარბიელო რეპუტაციის მქონე ადამიანს, არც კი მომივიდოდა თავში ასეთი სისულელე“.
მსგავსი სიახლეები
კომენტარი