გახსოვთ, არჩევნებზე ივანიშვილი თვალცრემლიანი რომ წარდგა? იმის მერე ოთხჯერ გაძვირდა ცხოვრება - სააკაშვილი
"გახსოვთ, რომ 2016 წლის არჩევნებზე ივანიშვილი თვალცრემლიანი წარდგა აუდიტორიის წინაშე, რა მოხდა ამის შემდეგ ჩვენ გვაქვს ყველაზე დიდი საბანკო სესხის პროცენტი, სამჯერ და ოთხჯერ გაძვირდა ცხოვრება," - ამ განცხადებას საქართველოს მესამე პრეზიდენტი მიხეილ სააკაშვილი აკეთებს.
სააკაშვილის თქმით, მას შემდეგ, რაც ივანიშვილი მოსახლეობას 2016 წლის არჩევნებზე გვერდში დგომას და ერთ წელში სიტუაციის გამოსწორებას დაპირდა, ცხოვრების დონე გაუმჯობესების ნაცვლად გაუარესდა.
გახსოვთ, რომ 2016 წლის არჩევნებზე ივანიშვილი თვალცრემლიანი წარდგა აუდიტორიის წინაშე, როცა დაინახა, რომ არჩევნებს აგებს და გითხრათ, რომ მომეცი 1 წელი და ყველაფერს გამოვასწორებ, კარგი ბიჭი გავხდები ისევ, რა მოხდა ამის შემდეგ, გავიდა 6 წელი, მოხდა ის, რომ ჩვენ გვაქვს ყველაზე დიდი საბანკო სესხის პროცენტი, ყველაზე დიდი საბანკო მოგება მსოფლიოს მასშტაბით, მოხდა ის, რომ თბილისის ცხოვრების დონე არის 6 ათასი ლარი, თუ გინდა ოჯახმა იცხოვროს, ამასობაში 300 ათას ადამიანს აქვს 800 ლარამდე შემოსავალი... როგორ უნდა იცხოვრო იმ სიტუაციაში, როდესაც პრაქტიკულად, სამჯერ და ოთხჯერ გაძვირდა,“ - ამბობს სააკაშვილი.
მსგავსი სიახლეები
კომენტარი