გია მაისაშვილი საქართველოში ჩამოასვენეს
პოლიტიკოსი და ლიდერთა სკოლის დამფუძნებელი, გია მაისაშვილი გამთენიისას თბილისში ჩამოასვენეს. მაისაშვილის ცხედარს სიონის საკათედრო ტაძარში დაასვენებენ, სადაც დღეს და ხვალ სამოქალაქო პანაშვიდი გაიმართება. მაისაშვილის ცხედარს სიონიდან 6 მარტს, 15:00 საათზე გამოასვენებენ და წმინდა ნიკოლოზის ტაძრის ეზოში, (ხეთაგურის ქ. N 7) დაკრძალავენ.
გია მაისაშვილი 56 წლის ასაკში გარდაიცვალა. ის ბოლო რამდენიმე წლის განმავლობაში მძიმე სენს ებრძოდა. მაისაშვილს თავის ტვინის სიმსივნის დიაგნოზი 2015 წელს დაუსვეს.
პოლიტიკოსი ბოლო წლებში ამერიკის შეერთებულ შტატებში იმყოფებოდა, სადაც მკურნალობის კურსს გადიოდა.
მსგავსი სიახლეები
კომენტარი