მომავალი პრემიერ-მინისტრი მოქმედი პრემიერი გიორგი გახარია იქნება - კობახიძე
უახლოეს დღეებში გაიმართება უმრავლესობის ფორმატში კონსულტაციები, რის შემდეგაც მთავრობის წევრობის კანდიდატები დასახელდება, - ამის შესახებ „ქართული ოცნების“ დეპუტატმა ირაკლი კობახიძემ განაცხადა.
მისი თქმით, პრემიერ-მინისტრი კვლავ გახარია იქნება და სწორედ ის გადაწყვეტს მთავრობის შემადგენლობას.
"მომავალი პრემიერ-მინისტრი მოქმედი პრემიერი გიორგი გახარია იქნება. რაც შეეხება მთავრობის შემადგენლობას, ეს პრემიერ-მინისტრის გადასაწყვეტია და უახლოეს დღეებში გაიმართება კონსულტაციების უმრავლესობის ფორმატში მთავრობასა და უმრავლესობას შორის, რის შემდეგაც დასახელდებიან მთავრობის წევრობის კანიდიდატები და ალბათ, მომავალ და იმის შემდგომ კვირაშიც შეიძლება დასრულდეს სამთავრობო პროცედურა და უახლოეს დღეებში იქნება დამტკიცებული მთავრობის შემადგენლობა," - განაცხადა ირაკლი კობახიძემ.
მსგავსი სიახლეები
კომენტარი