პრეზერვატივი და სიგარეტი თუ შემოგაკლდათ, გამოგიგზავნით - მეუფე საბა ნიკა გვარამიას
ყველაზე მეტად მძულდა სიგარეტის მოწევა, არასდროს მომიწევია, და ბინძური ცხოვრება, მით უმეტეს კაცებს შორის, ესე ვიყავი ბავშვობიდან. ვერ გააკეთეს ისეთი სიუჟეტი როგორიც უნდოდათ და პირდაპირ გეტყვით, ბატონო გვარამია - დიდი ანგარიშით მოგიგეთ - ასე გამოეხმაურა თამარ მეფის სახელობის ტაძარში ქადაგებისას ხონისა და სამტრედიის მიტროპოლიტი საბა მთავარ არხზე გასულ სიუჟეტს, სადაც მის ბიზნესინტერესებზე იყო საუბარი.
"ამაზრზენი ისაა, რომ ბოლოში მიაწერეს და გამოაცხადეს, რომ მე, ვითომ, რაღაც საქმიანობას ვეწევი. აი, იმ სიუჟეტის მერე, რაც იყო გუშინწინ, ე.ი. რომ ვერ მიაღწიეს თავისას, ვის ტვინში დატრიალდა ეს, არ ვიცი. გამოაცხადეს, რომ ხალხს ჯერ კიდევ ახსოვს, 2000 წლიდან მოყოლებული მეუფე საბასა და მეუფე თეოდორეს ბიზნეს საქმიანობა, შემოჰქონდათ სიგარეტი და პრეზერვატივიო. წარმოიდგინეთ, ამაზე მეტი უხამსობა რა უნდა იყოს, ადამიანს დააბრალო ის, რასაც მთელი ცხოვრება ებრძვის, მაგრამ ეს არის სწორედ ეშმაკის საქმე და დღევანდელი ტექნოლოგია.
პატრიარქს რა დააბრალეს, მე რას მაბრალებ, სხვებს რას აბრალებენ, იმას, რაც შენთვის ყველაზე მტკივნეულია. ასეთი რამეები, ჩემო ძვირფასო, შენს სახლსა და შენს კაბინეტში მოიკითხე და თუ შემოგაკლდება, ჩვენ გიყიდით და გამოგიგზავნით. დიახ, მივმართავ იმ ტელევიზიას, სადაც ამის საჭიროების მქონე ადამიანები მრავლად არიან. დაანებეთ ამ ქვეყანასა და ამ ხალხს თავი. თქვენგან საცდური მოდის და ვისგანაც საცდური მოდი, უფალი ამბობს - ვინც აბრკოლებს ადამიანებს ჩემთან მოსასვლელად უმჯობესია, წისქვილის ქვა დაიკიდოს და წყალში გადავარდეს" - თქვა მეუფემ.
მსგავსი სიახლეები
კომენტარი