პატრიარქის მოწამვლის შესახებ გავრცელებულ ინფორმაციაზე კომენტარს მეუფე ნიკოლოზი აკეთებს- რას ფიქრობს თავად პატრიარქი?
პატრიარქს არ სჯერა,
რომ მისი
მოწამვლის მცდელობა
იყო, - ამის
შესახებ ახალქალაქისა
და კუმურდოს
მიტროპოლიტი მამა
ნიკოლოზი აცხადებს,
რომელიც გერმანიაში
იმყოფება.
მიტროპოლიტს
თავადაც არ სჯერა, რომ საქართველოში შეიძლება არსებობდეს ადამიანი, ვინც ამას გააკეთებდა.
”ჩემს აზრსაც გეტყვით და თვითონ პატრიარქისაც. მე არ მჯერა, რომ საქართველოში არსებობს ადამიანი, რომელსაც შეიძლება ასეთი აზრი გაუჩნდეს. რა მოხდა, არავინ იცის. არც პატრიარქს სჯერა ამის. ეგეთი რამე საერთოდ არ გამიგია, რომ ვინმეს ვინმე მოეწამლოს, წიგნებში წამიკითხავს მარტო”, - განაცხადა მიტროპოლიტმა.
მამა ნიკოლოზი გამოეხმაურა პატრიარქის უსაფრთხოების საკითხსაც და აღნიშნა, რომ სწორი იყო ბერლინიდან პატრიარქის დაცვის უფროსის, სოსო ოხანაშვილის თბილისში ჩამოსვლა და გამოძიებისთვის ჩვენების მიცემა.
”ვფიქრობ,
ძალიან კარგი გააკეთა, რომ იგი ჩავიდა, დაეხმარა გამოძიებას. ჩვენმა აქ ჩამოსვლამ კი ხელი შეუწყო ამ სამსახურის ფუნქციონირებას”,
- აღნიშნა
მამა ნიკოლოზმა.
საპატრიარქოს
ქონების მართვის სამსახურის ხელმძღვანელი მამა გიორგი მამალაძე სამი დღის წინ, აეროპორტში დააკავეს. ის ბერლინში, პატრიარქთან გამგზავრებას გეგმავდა. კონკრეტულად რას უკავშირდება მისი აყვანა, უცნობია, ვინაიდან ოფიციალურ უწყებებს აღნიშნულთან დაკავშირებით კომენტარი ჯერჯერობით არ გაუკეთებიათ. არსებული ცნობით, საქმეს გრიფით „საიდუმლო“ ადევს. არსებული ინფორმაციით, საქმეზე დაიკითხა პატრიარქის დაცვის უფროსი სოსო ოხანაშვილი, რომელიც ამ მიზნით ბერლინიდან თბილისში გამოემგზავრა.
მამა გიორგი მამალაძე ამ დროისთვის სასჯელაღსრულების
დაწესებულებაშია
გადაყვანილი.
მას აღკვეთის ღონისძიების სახით პატიმრობა შეეფარდა.
მსგავსი სიახლეები
კომენტარი