ლექსო ლაშქარავას ცხედარი ექსპერტიზის ბიუროდან სახლში გადაასვენეს
„ტვ პირველის“ გარდაცვლილი ოპერატორი, ლექსო ლაშქარავას ცხედარი ექსპერტიზის ბიუროდან სახლში გადაასვენეს.
ექსპერტიზის დასკვნის შემდეგ გახდება დაზუსტებით ცნობილი, თუ რა გახდა ოპერატორის გარდაცვალების მიზეზი.
ოჯახის წევრები ამბობენ, რომ ლექსო 5 ივლისს მიყენებული დაზიანებების გამო გარდაიცვალა.
შინაგან საქმეთა სამინსიტროში ტვ “პირველის” ოპერატორ ლექსო ლაშქარავას გარდაცვალებასთან დაკავშირებით ბრიფინგი გაიმართა, სადაც განაცხადეს, რომ შსს ერთ-ერთ ვერსიად ნარკოტიკებით ზედოზირებასაც განიხილავს.
ცნობისთვის, „ტვ პირველის“ ოპერატორი ლექსო ლაშქარავა საკუთარ სახლში გარდაცვლილი იპოვეს. ლექსო ლაშქარავა 5 ივლისს აქციაზე სცემეს. ლექსო ლაშქარავას გარდაცვალების ფაქტზე გამოძიება საქართველოს სისხლის სამართლის კოდექსის 115-ე მუხლით დაიწყო.
მსგავსი სიახლეები
კომენტარი