წარმატებული კალათბურთელი, რომელიც წლებია ესპანეთში მოღვაწეობს და გასული წლის საუკეთესო მოთამაშედ დასახელდა - დრონი.ჯი-ს ინტერვიუ ლუკა ბულაშვილთან
ახალგაზრდა და სიმპატიური კალათბურთელი
ლუკა ბულაშვილი უკვე ექვსი წელია
ესპანეთში მოღვაწეობს. იგი გასულ წელს
ესპანეთის „წლის საუკეთესო მოთამაშედ“ დასახელდა.
ლუკამ ხუთი ენა იცის და კალათბურთის პარალელურად, ცდილობს მიიღოს სხვა პროფესია,
ამიტომ ვარჯიშებთან ერთად სწავლობს კიდეც
. მას ძალიან ბევრი თაყვანისმცემელი ჰყავს,
როგორც საქართველოში, ისე ესპანეთში, თუმცა ახალგზარდა კალათბურთელი ამბობს, რომ ქართველი
გოგონების ყურადღება უფრო უხარია.
დრონი.ჯი დაუკავშირდა ლუკა ბულაშვილს
და მასთან ინტერვიუ ჩაწერა.
- საზოგადოებას შენი
თავი უკეთ რომ გავაცნოთ, მოგვიყევი
ვინ არის
ლუკა ბულაშვილი?
- ლუკა ბულაშვილი არის კალათბურთელი, რომელიც უკვე 6 წელია ცდილობს ასახელოს საქართველო და დაანახოს ყველას, რომ არ აქვს მნიშვნელობა, რამდენად პატარა ქვეყნიდან ხარ, შესაძლებელია წარმატების მიღწევა, თუ მოინდომებ. ისევე როგორც ყველა ახალგაზრდას, მეც მიყვარს მეგობრებთან ერთად დროის გატარება. სამწუხაროდ, დიდ დროს ვერ ვუთმობ გართობას, რადგან ინტენსიური ვარჯიშები მაქვს.
- როგორც
ვიცით, საკმაოდ პატარამ
დატოვე საქართველო
და წახვედი
ესპანეთში სათამაშოდ. გვესაუბრე
შენს ემოციებსა
და განვლილ
გზაზე.
- ესპანეთში
ადრეულ ასაკში მომიწია წასვლა.
15 წლისაც
არ ვიყავი, როდესაც
მომივიდა
ესპანეთის
ერთ-ერთი კლუბიდან შემოთავაზება. რა თქმა უნდა, ძალიან გახარებული ვიყავი მეც და ჩემი ოჯახიც, მაგრამ
ისიც
ვიცოდით, თუ როგორი რთული იქნებოდა ასეთ პატარა
ასაკში
სახლიდან ასე შორს წასვლა
და
იქ
ცხოვრება. მახსოვს, მშობლებმა მხოლოდ ერთი კითხვა დამისვეს, ვიყავი
თუ
არა
მზად
იმისთვის,
რომ
წავსულიყავი
უცხო ქვეყანაში და გამეკეთებინა ყველაფერი ჩემი მიზნის
მისაღწევად, მე დაუფიქრებლად
ვუპასუხე, რომ მზად ვიყავი
და
იმ დღიდან ჩემი ცხოვრება აბსოლიტურად შეიცვალა.
რა თქმა უნდა, ესპანეთში
ძალიან ბევრი სირთულე იყო, როგორც ცხოვრების ახალი ეტაპის
დაწყებაში, ასევე სპორტის კუთხით, რადგან გამოუცდელი ვიყავი და დიდი კონკურენციის, წნეხის ქვეშ მომიწია ყოფნა. საბოლოოდ
5 წელი გავიდა
უკვე
და
ჩემთვის ესპანეთი მეორე სამშობლოა, სადაც
ძალიან
ბევრი
მეგობარი
და
ძვირფასი ადამიანი მყავს
- გარდა
კალათბურთისა, ესპანეთში კიდევ
რით ხარ
დაკავებული?
- ესპანეთში
გადასვლასთან
ერთად
მომიწია
საქართველოში
სწავლის
შეწყვეტა
და
ესპანეთში
გაგრძელება, რაც თავიდან
ძალიან
გამიჭირდა იმიტომ, რომ ესპანური
ენა
არ ვიცოდი. პირველი 3 თვე დამატებით მასწავლებლებთან სიარული დამჭირდა, რომ ენა კარგად მესწავლა. სამ თვეში
შევძელი
ამეთვისებინა
ენა
და
სკოლაშიც
უპრობლემოდ
გავაგრძელე სწავლა. ესპანური
ენის
სწავლა
დამეხმარა
კალათბურთშიც, რადგან ტრენერებთან კომუნიკაცია
შევძელი. დღესდღეისობით ვარჯიშების მერე გავდივარ კურსებს ესპანური ენის კიდევ უკეთ შესასწავლად და ასევე ბიზნეს კურსებს სამომავლო გეგმებისთვის.
- შენს წარმატებას ერთხმად
აღიარებენ. რთულია
იყო კარგი
კალათბურთელი?
- ჩემი აზრით, რთულია, რადგან ძალიან ბევრ რამეზე გიწევს უარის თქმა. მე 14 წლიდან მომიწია გართობაზე უარის თქმა და მთელი დრო კალათბურთს მივუძღვენი, რადგან ვიცოდი თუ როგორი რთულია ასეთ სპორტში წარმატების მიღწევა. დღემდე, ჩემი დილა იწყება დარბაზში და ღამდება დარბაზშივე რადგან ჯერ კიდევ ბევრი მაქვს სავარჯიშო იმის მისაღწევად, რაც 14 წლისას მიზნად დავისახე. მაგრამ მიუხედავად ამდენი ვარჯიშისა ყოველთვის ვცდილობ ვნახო მეგობრები და საყვარელი ადამიანები.
- შენი ყველაზე
დიდი წარმატება.
- ალბათ, ჩემი ყველაზე დიდი წარმატება ეროვნულ ნაკრებში მოხვედრა იყო, რადგან ეროვნულში თამაშზე ყოველთვის ვოცნებობდი მეც და ჩემი ოჯახიც. ვერ ვიტყვი, რომ ბოლომდე გაამართლა ჩემი მოლოდინები და იმედები ეროვნულმა, რაც პირადმა მიზეზებმა გამოიწვია, მაგრამ ის ფაქტი, რომ მე ჩემი ქვეყნის ეროვნულ ნაკრებში მოვხვდი ძალიან სასიხარულო და საამაყოა. ამასთან წლევანდელ სეზონს გამოვარჩევდი, რადგან ყველაზე წარმატებული და შედეგიანი გამომივიდა. წლის ბოლოს ესპანეთში საუკეთესო 22 წლამდე მოთამაშედ დამასახელეს.
- ხარ თუ არა
შეყვარებული?
- რაც შეეხება შეყვარებულს, არ მყავს და არც მყოლია. რა თქმა უნდა, ხანმოკლე ურთიერთობები მქონდა, მაგრამ სიყვარულით ჯერ არავინ
მყვარებია. იმედი მაქვს მალე შემიყვარდება (იცინის)
- წარმატებულ
და სიმპატიურ კალათბურთელს,
ალბათ ბევრი
თაყვანის მცემელი
გყავს როგორც
ესპანეთში, ისე საქართველოში.
როგორი ურთიერთობა
გაქვს გოგონებთან,
რომლებსაც მოსწონხარ?
- ესპანელ გოგონებში უფრო გამოვირჩევი
პოპულარობით,
რადგან
იქ ვარ წელიწადში 10 თვე, მაგრამ ქართველ გოგოებსაც არ ვუჩივი ყურადღების მხრივ (იცინის) ძალიან საყვარლები არიან და ვცდილობ
ყოველთვის ვუპასუხო სოციალურ
ქსელში.
- რას შეცვლიდი ქართულ
კალათბურთში?
- ქართულ კალათბურთში ბევრ რამეს შევცვლიდი, რომ მქონდეს მაგის შესაძლებლობა. ყოველ წლიურად იზრდება კალათბურთელების რაოდენობა, რომლებიც თავს ანებებენ რადგან მომავალს და პრესპექტივას ვერ ხედავენ, ეს კი ძალიან ცუდია, იმიტომ რომ, ძალიან ნიჭიერი თაობა გვყავს. არ კეთდება არაფერი იმისთვის, რომ ახალგაზრდა კალათბურთელებმა თავიანთი ნიჭი და შესაძლებლობები ადრეული ასაკიდანვე საზღვარგარეთ გამოცადონ, ან შეუქმნან საქართველოშივე ისეთი პირობები, რომ წასვლის არც სურვილი და არც საჭიროება იყოს. ახალგაზრდა მოთამაშეები ცარიელ დარბაზს ხედავენ, სადაც საქართველოს უმაღლესი ლიგა ტარდება და შესაბამისი ანაზღაურება როცა არ გაქვს, დაკარგავ ყველანაირ მოტივაციას. ჩემი ერთ-ერთი მიზანია მივაღწიო იმდენს, რომ ამ ყველაფრის შეცვლა შევძლო.
- რა რჩევას მისცემდი
იმ ქართველ
კალათბურთელებს, რომლებსაც
სურვილი აქვთ
ქვეყნის ფარგლებს
გასცდნენ?
- ჩემი რჩევა იქნება, რომ არ გაიტეხონ გული რამე თუ არ გამოსდით. გააგძელონ
ვარჯიში
და
გამოიყენონ
ყველა
შანსი
უცხოეთში
ნაადრევად
წასვლის , რაშიც აგენტია საჭირო.
თუ ვინმეს აგენტის შოვნა დასჭირდება და მე მომწერს, აუცილებლად დავეხმარები რითაც შევძლებ, რადგან მიეცეთ ის შანსი, რაც მე ადრეულ ასაკში მომეცა და მომავალში ასახელონ საქართველო .
- ლუკა შენი სამომავლო
გეგმების შესახებ
ისაუბრე.
- ჩემს სამომავლო გეგმები ასეთია: ერთი თვის წინ ახალ სააგენტოსთან გავაფორმე კონტრაქტი, რომელიც ყველაზე მასშტაბურია ესპანეთში. ჯერ-ჯერობით ადრეა გუნდთან ხელის მოწერა. ამ მომენტში შემოთავაზებებს განვიხილავ ჩემს აგენტებთან ერთად. არის რამოდენიმე კონკრეტული შემოთავაზება და ძალიან მალე მეცოდინება ზუსტად სად წავალ. მხოლოდ ის ვიცი დადასტურებულად, რომ ესპანეთში იქნება.
მსგავსი სიახლეები
კომენტარი