ხმიადაშვილი ევროპის ჩემპიონია!

საბერძნეთის ქალაქ სალონიკში გამართულ ევროპის ჩემპიონატზე ვეტერან მოჭადრაკეთა შორის ქართველმა თამარ ხმიადაშვილმა ოქროს მედალი მოიგო!

ხმიადაშვილმა 9 ტურში 7 ქულა დააგროვა და კონკურენტთაგან მიუწვდომელი აღმოჩნდა.

საინტერესოა, რომ ამ ევროპის ჩემპიონატზე ქალთა შორის სულ 12 მოჭადრაკე იყო: 2 ქართველი და 10 რუსი. ჩვენი ქვეყნის მეორე წარმომადგენელმა, ლეგენდარულმა ნონა გაფრინდაშვილმა მეხუთე ადგილის დაკავება მოახერხა.

რაც შეეხება ჩემპიონს: თამარ ხმიადაშვილმა ოქრო ბოლო ტურში გაინაღდა, როცა რუსი იულია სავინოვა დაამარცხა და პარალელურად კი, ასევე რუსმა ელენა ფატალიბეკოვამ მხოლოდ ყაიმი გაახერხა თანამემამულე ლუბა კუზნეცოვასთან. ამგვარად, ხმიადაშვილი სალონიკიდან ტრიუმფით დაბრუნდა!