„განიქარვე მუსიკით“

ლუდი „ქარვის“ საჩუქარი კონკურსში გამარჯვებულ ჯგუფ Pitter J-ს

ყველაზე ახალგაზრდული ქართული ლუდის ბრენდი „ქარვა“ როგორც ყოველთვის ახალგაზრდების გვერდითაა და როგორც მუსიკალური ბრენდი, მუსიკალური შემოქმედების განვითარებას უწყობს ხელს. ეს არის კონკურსის „განიქარვე მუსიკით“ ძირითადი იდეა, რაც ასე ამეგობრებს „ქარვას“ და ახალგაზრდა მუსიკოსებს ერთმანეთთან. როგორც კორპორაციული პასუხისმგებლობის პროექტი, კომპანია „ეფეს საქართველომ“ მუსიკალური კონკურსი პანდემიის პირობებში დაიწყო და პანდემიის პირობებშივე დაასრულა, გამოავლინა რა გამარჯვებული ჯგუფი Pitter J. პრიზად კი „ქარვამ“ ჯგუფს სიმღერისთვის All We Are Is Dust Into The Galaxy მუსიკალური კლიპი გადაუღო.

კონკურსი „განიქარვე მუსიკით“ 2 თვის განმავლობაში მიმდინარეობდა და სოციალური ქსელები მოიცვა. კონკურსს, რომლის მიზანი ახალგაზრდა დამწყები მუსიკოსების მხარდაჭერა და მათი პოპულარიზაცია იყო, საკმაოდ დიდი დაინტერესება და ჩართულობა მოჰყვა. „განიქარვე მუსიკით“ ზაფხულში დაიწყო და მასში 70-მდე მუსიკოსმა თუ ბენდმა მიიღო მონაწილეობა. გამოვლინდა ჟიურის და ხალხის რჩეული 10 საუკეთესო სიმღერა, რომლებიც სოციალური მედიის საშუალებით გავრცელდა. 10 ფინალისტიდან კი, ჟიურის და მსმენელთა მოწონებების მიხედვით, 3 გამარჯვებული შეირჩა და საპრიზო ადგილები ასე გადანაწილდა:

· I ადგილი - Pitter J

· II ადგილი - გიგა ჯალაღონია და მეგობრები

· III ადგილი - FAU

„2020 როგორი წელი გამოდგა ყველასთვის, ამაზე ბევრს აღარ ვისაუბრებ. COVID-19-ის პანდემიამ რადიკალურად შეცვალა მილიონობით ადამიანის ცხოვრების წესი და თითქმის ყველაფერი ვირტუალურ სივრცეში გადაიტანა. ძალიან დაზარალდა სახელოვნებო და შემოქმედებითი სფერო. ცხოვრება თითქოს გაჩერდა, რაც „ქარვისთვის“ და ჩვენთვისაც მიუღებელი აღმოჩნდა და ჩვენ დავიწყეთ ფიქრი ამ სირთულის დაძლევასა და იმაზე, რომ რაღაცნაირად ცხოვრების გახალისებაში დახმარებოდა „ქარვა“ ლუდის და მუსიკის მოყვარულებს. და გადავწყვიტეთ ჩაგვეტარებინა კონკურსი „განიქარვე მუსიკით“, რაც პანდემიას მოუხდა. მთავარი იდეა კი ისაა, რომ დავეხმაროთ საავტორო მუსიკის შემქმნელებს. ვფიქრობ, ურიგო კონკურსი არ გამოგვივიდა, რადგან ბევრ ახალგაზრდა მუსიკოსს საკუთარი შესაძლებლეობების რეალიზების საშუალება მივეცით“, - აღნიშნავს „ეფეს საქართველოს“ მარკეტინგის ხელმძღვანელი ანა ქარჩავა.

მნიშვნელოვანია, რომ კონკურსი „განიქარვე მუსიკით“ ბრენდი „ქარვისთვის“ კრეატიულმა სააგენტო „კრაკენმა“ უზრუნველყო და სწორედ, მან იმუშავა გამარჯვებული ჯგუფი Pitter J-ის მუსიკალურ კლიპზეც. აუდიტორიამ Pitter J-ის ახალი მუსიკალური კლიპი უკვე იხილა, სახელწოდებით All We Are Is Dust Into The Galaxy, რაც ზუსტად ასახავდა მუსიკოსების და არა მარტო მათ ფსიქო-ემოციურ მდგომარეობას პანდემიის პირობებში.

„ქარვა“ წლებია გვერდში უდგას ახალგაზრდა არტისტებს. პანდემიის დროს „ქარვამ“ ჩაუშვა სოციალური კამპანია #განიქარვეშინ, რომელიც Leno Sessions, Video Calls, მუსიკალური გაკვეთილებს მოიცავდა. სწორედ „ქარვის“ სახელს უკავშირდება სხვა CSR აქტივობები და პროექტები ახალგაზრდა მუსიკოსების მხარდასაჭერად, როგორიცაა: Sofar Sounds Tbilisi; დოკუმენტური ფილმი სალიოს Med Cool ფესტივალში მონაწილეობაზე; პროექტები Mutant Radio და Usmine.ge: ელექტრონული მუსიკის ფესტივალი გორში: სპეციალური კამპანია ახალგაზრდა არტისტების მხარდასაჭერად; და ასევე ისეთი სტარტაპ პროექტების მხარდაჭერა, როგორიცაა: FuckUp Nights, Product Tank, DataFest, PechaKucha Nights.