თანამდებობიდან გადადგომის შესახებ განცხადებით მთავრობას ორმა გუბერნატორმა მიმართა
საკადრო ცვლილებები ამ ეტაპზე, საქართველოს ორ რეგიონში ხორციელდება. ამის შესახებ ინფორმაციას საქართველოს პრემიერ მინისტრის პრესსამსახური ავრცელებს.
თანამდებობიდან გადადგომის შესახებ განცხადებით მთავრობას მცხეთა-მთიანეთის გუბერნატორმა ნუგზარ ყიფიანმა და შიდა ქართლის გუბერნატორმა ზურაბ რუსიშვილმა მიმართეს. შესაბამისად, მთავრობის დღევანდელ სხდომაზე ორივე განცხადება დაკმაყოფილდა.
პრემიერ-მინისტრი გაწეული სამსახურისთვის ნუგზარ ყიფიანს და ზურაბ რუსიშვილს მადლობას უხდის.
მცხეთა-მთიანეთში სახელმწიფო რწმუნებულის თანამდებობას გოჩა ზეიკიძე დაიკავებს, ხოლო - შიდა ქართლში გუბერნატორის მოვალეობას ზურაბ რუსიშვილის მოადგილე შეასრულებს.
მსგავსი სიახლეები
კომენტარი