საქართველოს ბანკი მომხმარებელს სამომხმარებლო სესხზე საშეღავათო პერიოდს სთავაზობს

თბილისი, 8 ივლისი, 2016 - საქართველოს ბანკმა, საქართველოს წამყვანმა ბანკმა, განაცხადა სამომხმარებლო სესხზე საშეღავათო პირობებით სარგებლობის შესახებ. აქცია „დაისვენეთ 2 თვის %-ისგან“ ეხება, ყველას ვინც 6 სექტემბრამდე საქართველოს ბანკში, სამომხმარებლო სესხით ისარგებლებს. მომხმარებელი, 2 თვის განმავლობაში არ გადაიხდის სესხზე დარიცხულ პროცენტს და ასევე 2 თვით გათავისუფლდება საკრედიტო შენატანისგან. ამასთან, აქციით სარგებლობისას მომხმარებელს საშუალება ექნება გამოთავისუფლებული თანხები, ზაფხულის განმავლობაში, მისთვის საჭირო ხარჯებს მოახმაროს.

სამომხმარებლო სესხით სარგებლობა შეუძლია ყველას ვისაც დადასტურებული შემოსავალი ერიცხება რომელიმე კომერციულ ბანკში. მომხმარებელს საშუალება აქვს ისარგებლოს სამომხმარებლოს სესხით ნებისმიერი მიზნობრიობით და უზრუნველყოფის გარეშე.

დამატებითი ინფორმაცია სამომხმარებლო სესხის შესახებ შეგიძლიათ იხილოთ: www.sb.ge

###

„საქართველოს ბანკის“ შესახებ:

„საქართველოს ბანკი“ ქვეყნის წამყვანი ბანკია მთლიანი აქტივების (საბაზრო წილი 33.5%), მთლიანი სესხებისა (საბაზრო წილი 32.3%) და კლიენტთა დეპოზიტების (საბაზრო წილი 33.2%) მიხედვით (2016 წლის 31 მარტის მდგომარეობით, ბანკების მიერ ეროვნული ბანკისთვის მიწოდებული ფინანსური ინფორმაციის საფუძველზე). „საქართველოს ბანკი“ მის კლიენტებს სთავაზობს კორპორაციული და საცალო საბანკო, ინვესტიციების მართვის, ასევე ქონებისა და სიცოცხლის დაზღვევის მომსახურების ფართო სპექტრს. 2016 წლის 31 მარტის მდგომარეობით, „საქართველოს ბანკი“ ემსახურებოდა დაახლოებით 2 მილიონი კლიენტის ანგარიშს 266 სერვისცენტრის, 753 ბანკომატისა და 2,627 გადახდის აპარატისგან შემდგარი ქსელის, ასევე დისტანციური საბანკო მომსახურების პლატფორმისა და თანამედროვე სატელეფონო ცენტრის მეშვეობით. სრული ინფორმაციისთვის იხილეთ: www.bog.ge