სკოლიდან პირდაპირ – საავადმყოფოში…
რას გრძნობთ, როდესაც შვილებს სკოლაში უშვებთ? ოდესმე გიფიქრიათ, რომ სკოლიდან მომავალი ბავშვი სახლის მაგივრად საავადმყოფოში მოხვდება? ამაზე ფიქრმაც კი შეიძლება გაგაგიჟოთ!
10 წლის ლიზი გერსამიას ისტორია ყველა ადამიანის გულს ატკენს, განსაკუთრებით მათ, ვისაც შვილები ჰყავთ!
ეს ამბავი ქალაქ ფოთში 2014 წლის მარტში მოხდა. პატარა ლიზი სკოლიდან სახლში ბრუნდებოდა. წვიმდა, გზაზე დიდი სიჩქარით მანქანა მოქროდა... ახალგაზრდა, გამოუცდელმა მძღოლმა საჭე ვერ დაიმორჩილა და პატარა გოგონას დაეჯახა. ერთმა წამმა ხაზი გადაუსვა ლიზის ბედნიერ ცხოვრებას და მთელი ოჯახი გაანადგურა...
ლიზი კომაში იყო, თვეების განმავლობაში რეანიმაციაში იწვა. ექიმები არადამამშვიდებელ პროგნოზებს აკეთებდნენ და მშობლებს უარესისთვის ამზადებდნენ.
მათი უბედურების სიტყვებით აღწერა ძალიან ძნელია. შვილის გადასარჩენად ყველაფერს აკეთებდნენ. ყველაფერი გაყიდეს რაც კი გააჩნდათ, შვილი სამკურნალოდ თბილისში ჩამოიყვანეს და ახლა უსახსრობის გამო ხან ვინ შეიფარებს მათ დროებით, ხან ვინ...
მშობლებმა იციან, რომ ლიზი ისეთი აღარ იქნება როგორც ავტოკატასტროფამდე, რომ ის აღარ იმღერებს და იცეკვებს გაუჩერებლად... მაგრამ მთავარია რომ ლიზიმ იცოცხლოს!
ოჯახმა, ნათესავებმა, ნაცნობებმა, კლასელებმა, ყველამ წვლილი შეიტანეს ლიზის სამკურნალოდ თანხების მობილიზებაში. რეაბილიტაციამ ძალიან კარგი შედეგი გამოიღო. ლიზიმ თვალები გააღო, ყლაპვა და ხელის მოძრაობა შეძლო. მაგრამ, როგორც კი რეაბილიტაცია შეაჩერეს თანხების უქონლობის გამო, ლიზის მდგომარეობა ისევ გაუარესდა. მშობლებმა აღარ იციან ვის მიმართონ დახმარების თხოვნით.
ჩერნოვეცკის ფონდი იწყებს აქციას პატარა ლიზის დასახმარებლად! მას სასწრაფოდ ესაჭიროება ძვირადღირებული მედიკამენტები და სარეაბილიტაციო კურსი. ეს ლიზის გამოჯანმრთელების გარანტიაა!
ეს საბედისწერო დღე რომ არ ყოფილიყო, ლიზი ახლა მეოთხე კლასში იქნებოდა, ისეთივე სიცოცხლით სავსე, მხიარული, კისკისა გოგონა!
წარმოიდგინეთ როგორ მძიმედაა ახლა ლიზი, როგორ უჭირთ მის მშობლებს და იმოქმედეთ თქვენი გულის კარნახით!
თუ გაქვთ საშუალება ფინანსური დახმარება აღმოუჩინოთ ლიზის თანხა შეგიძლიათ ჩარიცხოთ ფონდის ანგარიშზე GE15TB7194336080100003 ან GE64BG0000000470458000 (დანიშნულება ლიზი გერსამია) ან პირდაპირ ვებ გვერდიდან https://chernovetskyifund.ge/ge/projects/191-gersamia/
გთხოვთ აჩუქეთ პატარა ლიზის ჯანმრთელობა!
მსგავსი სიახლეები
კომენტარი