„გალტ & თაგარტის” ახალი კვლევა - რა გამოწვევების წინაშე დგას საქართველოს ენერგოსექტორი
თბილისი, 20 მაისი, 2016 –გალტ & თაგარტმა საქართველოს ენერგოსექტორის შესახებ ახალი კვლევა გამოაქვეყნა. კვლევაში განხილულია საქართველოს ენერგოსექტორში არსებული მდგომარეობა, მოსალოდნელი ცვლილებები და გამოწვევები.
კვლევაში საუბარია ისეთ მნიშვნელოვან საკითხებზე, როგორიც არის საქართველოს ელექტროგადამცემი ინფრასტრუქტურის არსებული მდგომარეობა და განვითარების პერსპექტივა. აღსანიშნავია, რომ ელექტროგადამცემი სისტემის მდგრადობის გაზრდის მიზნით, მომავალი ათი წლის მანძილზე საქართველოს ელექტროგადამცემ ინფრასტრუქტურაში იგეგმება 809 მილიონი ევროს ოდენობის ინვესტიცია. ახალი და რეაბილიტირებული გადამცემი ხაზები კი ქსელში დამატებით 4,000 მეგავატი დადგმული სიმძლავრის ინტეგრაციის საშუალებას მისცემს ქვეყანას, რაც მნიშვნელოვანია როგორც არსებული ასევე პოტენციური ინვესტორებისათვის.
კვლევაში აღნიშნულია, რომ რეგიონში არსებული არასახარბიელო ეკონომიკური მდგომარეობისა და თურქეთის ბაზარზე ელექტროენერგიის ფასების ვარდნის ფონზე, ენერგოსექტორი კვლავ მიმზიდველ ინვესტიციად რჩება. ამ ეტაპზე ლიცენზირებისა და მშენებლობის ეტაპზე 27 ჰიდრო ელექტრო სადგური და ერთი ქარის ელექტროსადგურია, 3.2 მილიარდიდოლარის საერთო საინვესტიციო ღირებულებით.
ეს კვლევა განკუთვნილია მათთვის, ვინც დაინტერესებულია საქართველოს ენერგოსექტორის განვითარების პერსპექტივებით; იმითი, თუ რა ტენდენციებია ამჟამად ბაზარზე როგორც მიწოდების, ასევე მოხმარების მხრივ; როდისთვის არის მოსალოდნელი საქართველოს ენერგოდამოუკიდებლობა; რა როლს თამაშობს სექტორის განვითარებაში თურქეთის ბაზარზე არსებული ფასები და რას უნდა ველოდოთ მომავალში, საქართველოს ენერგოგაერთიანების წევრის სტატუსის მიღებისა და ელექტროენერგიის ბაზრის გახსნის შედეგად.
„გალტ & თაგარტი“ მუდმივად აკვირდება საქართველოში წამყვან ეკონომიკურ სექტორებს; მკითხველს სთავაზობს სხვადასხვა ტიპის პროდუქტს, მათ შორის საქართველოს და აზერბაიჯანის ეკონომიკების ყოველკვირეულ მიმოხილვას. ენერგეტიკის სექტორზე კი „გალტ & თაგარტი“ ყოველთვიურად აქვეყნებს „ელექტროენერგიის ბაზრის მიმოხილვა“-ს.
ენერგოსექტორის კვლევასრულად შეგიძლიათ იხილოთ ვებგვერდზე: www.gtresearch.ge
###
სს „გალტ & თაგარტის“ შესახებ:
სს „გალტ & თაგარტი“საქართველოს ბანკის ჰოლდინგური კომპანიის 100% მფლობელობაში არსებული შვილობილია. კომპანია სთავაზობს საინვესტიციო საბანკო და ინვესტიციების მართვის მომსახურების ფართო სპექტრს, საინვესტიციო საბანკო, აქტივების მართვის, საბროკერო, დაგროვილი ქონების მართვისა და კვლევების მიმართულებების მეშვეობით. დამატებითი ინფორმაციისთვის ეწვიეთ: www.gt.ge
მსგავსი სიახლეები
კომენტარი