დაჩქარებული წესით საქართველოსა და სამი სხვა ქვეყნის ნატოში მიღებას სენატი განიხილავს
აშშ-ის ერთ-ერთმა გავლენიანმა სენატორმა, რესპუბლიკელმა რჩარდ ლუგარმა სენატში კანონპროექტი შეიტანა, რომელიც ნატოს გაფართოებას ითვალისწინებს.
პროექტი მაისში დაგეგმილ ნატოს ჩიკაგოს სამიტზე სამოქმედო გეგმის შემუშავებას ითვალისწინებს, ნატოში საქართველოსა და ბალკანეთის ქვეყნების: ბოსნია-ჰერცოგოვინას, მაკედონიისა და ჩერნოგორიის დაჩქარებული წესით მიღებასთან დაკავშირებით. დოკუმენტის თანახმად, აშშ-მა პირველმა უნდა განაცხადოს, რომ კანონპროექტში მითითებული ქვეყნები „წევრობისკენ ისწრაფვიან“.
აშშ-ის მიერ ადრე მიღებული კანონის თანახმად, საქარტველო და მაკედონია უკვე ღებულობენ ამერიკულ დახმარებას, რათა მათ ნატოში შესვლა გაუადვილდეთ. ახალი დოკუმენტი ამ დახმარების გაგრძელებასა და მასში ბოსნია-ჰერცოგოვინასა და ჩერნოგორიის ჩართვის აუცილებლობაზე მიანიშნებს. ლუგერი ასევე მიანიშნებს, რომ საჭიროა ნატო-უკრაინის თანამშრომლობის განვითარება.
კანონპროექტი აშშ-ის ადმინისტრაციას ავალდებულებს, წარუდგინოს კონგრესს ალიანსის გაფართოების ანგარიში და უარყოფს „პრივილეგირებული ინტერესების ზონების“ ნებისმიერ გაგებას.
„პრივილეგირებული ინტერესების ზონა“, რომელიც აღიქმება, როგორც რუსეთის უახლოესი მოსაზღვრე რეგიონები, ანუ ყოფილი სსრკ-ს რესპუბლიკები, მოხსენიებულია 2008 წელს დიმიტრი მედვედევის მიერ დამტკიცებულ „რუსეთის ფედერაციის საგარეო პოლიტიკის კონცეფციაში“.
მსგავსი სიახლეები
კომენტარი