ბანკროტი Saab საკუთარ წარუმატებლობაში General Motors-ს ადანაშაულებს
ჰოლანდიურმა კომპანია Spyker Cars-მა სასამართლოში სარჩელი შეიტანა ამერიკული ავტომწარმოებლის General Motors-ის (GM) წინააღმდეგ. მოითხოვს კომპენსაციას 3 მილაირდი დოლარის ოდენობით. სარჩელი Spyker Cars-მა შეიტანა, Saab Automobile-ის შვილობილმა კომპანიამ. შეგახსენებთ, ეს უკანასკნელი 2011 წლის დეკემბერში ბანკროტად გამოცხადდა.
GM-ს უკანონო ქმედებებში სდებენ ბრალს, რომელიც ჩინეთის საავტომობილო ბაზარზე კონკურენტი Saab Automobile-ის მიმართ იყო მიმართული, რამაც შვედური კომპანია გაკოტრებამდე მიიყვანა.
Saab-ის წარმომადგენლების აზრით, კომპანიის გაკოტრება იმან გამოიწვია, რომ GM-მა ხელი შეუშალა Saab Automobile, Spyker-სა და ჩინეთის საინვესტიციო კომპანიის Youngman-ს შორის ხელშეკრულების გაფორმებას.
შეგახსენებთ, Saab AB 1937 წელს დაარსდა, სათაო ოფისი სტოკჰოლმშია, პერსონალის რაოდენობა კი 13,3 ათასს აღემატება. 2010 წელს კომპანია ნიდერლანიულმა Spyker Cars-მა შეიძნა და სახელი შეეცვალა - Swedish Automobile N.V. (SWAN).
მსგავსი სიახლეები
კომენტარი