როგორ შევარჩიოთ ხელსაწყოები სახლისათვის და სად უნდა შევიძინოთ ისინი სალიკვიდაციო ფასად.
არსებობს ისეთი ხელსაწყოების ჩამონათვალი, რომელიც სახლში აუცილებლად უნდა გვქონდეს და რაც მთავარია, მათი გამოყენება ყველა ჩვენგანს განსაკუთრებული პროფესიული უნარების გარეშე შეუძლია. აუცილებელია, აღნიშნული ნივთები და მოწყობილობები გამძლე და ხარისხიანი იყოს.
საჭირო ხელსაწყოებიდან სამშენებლო-სარემონტო სამუშაოების ჰიპერმარკეტ „გორგიაში“ შეიძენთ.
როგორც „გორგიას“ წარმომადგენელმა გვითხრა, საახალწლოდ ხელსაწყოებზე სპეციალური შეთავაზებები და სალიკვიდაციო ფასები აქვთ:
„მომხმარებლისთვის საახალწლოდ უნიკალური შეთავაზებები გვაქვს. მაგალითად „კერხერის“ ბრენდის უმაღლესი ხარისხის საყოფაცხოვრებო სარეცხ და საწმენდ აპარატებზე 20%-იანი ფასდაკლებაა. ასევე ფასდაკლება გვაქვს და სპეციალური ფასი მსოფლიოში მოწინავე ბრენდის „მაკიტას“ ხელსაწყოებზე, რომელიც იაპონური ბრენდია და პროფესიონალური ხაზის გარდა „გორგიაში“ მოყვარულებისთვის განკუთვნილი ხაზის შეძენაცაა შესაძლებელი, რომელიც გათვლილია სახლის პირობებში გამოყენებაზე.
ასევე წარმოგიდგენთ უმაღლესი ხარისხის მოსანიშნი და საზომი ინსტრუმენტების ბრენდს- „კაპროს“. რომელზეც ამჟამად სალიკვიდაციო ფასები გვაქვს. ეს პროდუქცია გამოირჩევა იმით, რომ აქვს სამუდამო გარანტია.
„გორგიას“ წარმომადგენელმა ასევე ჩამოგვითვალა თუ რა სახის ხელსაწყოები უნდა გვქონდეს სახლში აუცილებლად. ესენია:
ელექტროსახვრეტელა
მრავალფუნქციური, დენის წყაროზე ან ელემენტებზე მომუშავე სახვრეტელა ან შურუპდამჭერი სახლში ბევრ საქმეს გაგიკეთებთ. ელექტროსახვრეტელა ხელის ხელსაწყოა, რომელიც დიდი ზომის ნახატების, ტელევიზორის, მონიტორის თუ სარკის კედელზე ჩამოკიდებაში დიდ სამსახურს გაგიწევთ. ასევე, ავეჯის განთავსებაში, მათ აწყობაშიც დაგეხმარებათ.
როგორც საზღვარგარეთ, ისე საქართველოში, დაშლილი ავეჯის შეძენა და თავად აწყობა პოპულარული გახდა. დაშლილი ავეჯის შეძენის შემთხვევაში კი მათ ასაწყობად, შესაბამისი ხელსაწყოები გვჭირდება, მათ შორის, ელექტროსახვრეტელა.
როგორც სამოყვარულო, ისე პროფესიონალური ელექტროსახვრეტელებისა და შურუპდამჭერების ფართო არჩევანი სამშენებლო-სარემონტო მასალების ჰიპერმარკეტ „გორგიაშია“ წარმოდგენილი. მათი ექსპლუატაციისა და უსაფრთხოების წესების შესახებ კი ინფორმაციას კვალიფიციური პერსონალი მოგაწვდით.
რაც შეეხება ფასებს, ელექტროსახვრეტელას ღირებულება „გორგიაში“ 49 ლარიდან იწყება .
სპეციალისტი ასევე გვირჩევს ხრახნდამჭერს-Bosch go – ეს არის კომპაქტური, ინოვაციური „ჭკვიანი ხრახნდამჭერი“, საყოფაცხოვრებო და პროფესიონალური მოხმარებისთვის.
სპეციალისტების განმარტებით, Bosch go იდეალური ხელსაწყოა სურათის ჩამოსაკიდად, მცირე ნახვრეტების გასაკეთებლად და ავეჯის ასაწყობად. რაც მთავარია, ეს ინოვაციური მოწყობილობა შეგვიძლია თავადაც ძალიან მარტივად გამოვიყენოთ.
ასევე გვირჩევენ - „Black Decker“ -ს - ეს არის ინოვაციური მოწყობილობა, რომელიც შეიქმნა მათთვის, ვისაც დროისა და თანხის დაზოგვა სურს. ხელსაწყო როგორც დამოუკიდებელი სახით, ისე ნაკრებთან ერთად იყიდება. „გორგიას“ სპეციალისტების ინფორმაციით, ხელსაწყოზე შეგვიძლია, დავაყენოთ 10-მდე თავი. აღნიშნული თავები კი სახრახნისის, სახვრეტელას, იგივე კუთხსახეხის ფუნქციასაც ასრულებენ.
კუთხსახეხი
კუთხსახეხს საქართველოში ბევრი იყენებს, მათ შორის, სამოყვარულო დონეზეც.
არსებობს როგორც პროფესიონალური ისე სამოყვარულო მოხმარების კუთხსახეხი. ხისა და ბეტონის გასაჭრელად კუთხსახეხს სხვადასხვაგვარი პირი უნდა დაუმაგროთ. „გორგიაში“ განგვიმარტეს, რომ უმჯობესია, პირების შერჩევა ჰიპერმარკეტის პროფესიონალებს მივანდოთ, რადგან არასწორად შერჩეულმა პროდუქტმა შეიძლება, მოხმარებისას სიცოცხლისთვის საშიში დაზიანებები მოგვაყენოს.
ჩამოთვლილი ხელსაწყოების მოხმარებისას ჩაფხუტის, ხელთათმანებისა და დამცავი სათვალის გამოყენება აუცილებელია. ხელთათმანის ფასი „გორგიაში“ 85 თეთრიდან იწყება, ჩაფხუტის - 7,80 ლარიდან, სათვალის კი - 1,15 ლარიდან.
მსგავსი სიახლეები
კომენტარი