მიმაჩნია, რომ მიუხედავად ამ საშინელებისა ჩვენი გუნდის ვანკუვერში დარჩენა და ოლიმპიურ თამაშებში ასპარეზობა მართებული გადაწყვეტილებაა, რადგან ოლიმპიური მოძრაობა გაუტეხავი ძალაა. სპორტში შეცდომები ხდება, მაგრამ არ შეიძლება შეცდომა ფატალურად მთავრდებოდეს. თან ჩვენ იმ სახეობაზე ვსაუბრობთ, რომელიც სახიფათოდ ითვლება. ამიტომაც არ შეიძლება, ნოდარის სიკვდილი გამოუცდელობას მიეწეროს. იგი უდიდესი ტალანტი იყო. მის მშობლიურ ბაკურიანში აუცილებლად ავაგებთ ახალ საციგაო ტრასას და მას ნოდარ ქუმარიტაშვილის სახელს მივანიჭებთ. რა იყო უისტლერში დატრიალებული უბედურების მიზეზი და მიუძღვის თუ არა ბრალი საორგანიზაციო კომიტეტს? ამაზე დღეს ბევრს საუბრობენ. რამდენადაც ვიცი, სპორტსმენებისგან და მწვრთნელებისგან არაერთხელ იყო თხოვნა დამცავი კედლების ამაღლებაზე... კარგია, რომ ამას აწი მაინც გაითვალისწინებენ. მაგრამ მოდით, ნუ გავაკეთებთ იქამდე გასაკეთებელს მას მერე, რაც ურემი გადაბრუნდება".