რატომ ვერ კარგავს ზოგიერთი გოგონა ქალიშვილობას პირველი სექსის დროს?
განიცდის თუ არა სიამოვნებას ქალი პირველი სექსის დროს?
ასეთი შემთხვევები იშვიათია. პირველი სქესობრივი კონტაქტი რაღაც დონის უსიამოვნო შეგრძნებებისა და ტკივილის მომტანია ქალისთვის, რაც სხვა სასიამივნო შეგრძნებების წარმოშობას თრგუნავს. მეორე და მესამე კონტაქტის დროსაც არის ტკვილის შეგრძნება ქალების ნაწილში, ნაწილს კი უკვე აქვს სასიამოვნო შეგრძნებები. ამ შემთხვევაში გადამწყვეტი მამაკაცის მომენტია, რამდენად შეუძლია მას მოეფეროს და სასურველად აგრძნობინოს ქალს თავი;
შეიძლება თუ არა, ქალის აპკი არ გაიხეს პირველი სექსის დროს?
ასეთი შემთხვევები არ არის იშვიათი. მიზეზი ორია – ელასტიური აპკი, ან პირიქით მასიური და სქესლი აპკი. ზოგჯერ ელასტიური აპკი ნარჩუნდება მშობიარობამდე და ამ დროს იხევა. მასიური აპკის დროს მამაკაცმა შეიძლება დიდხანს იწვალოს და ვერ გახიოს;
როგორ გარემოში უნდა მოხდეს დეფლორაცია?
პირველი სექსისთვის აუცილებელია შესაბამისი გარემოს შექმნა – ორივე პარტნიორის თანხმობა, ჩასახვის საწინააღმდეგო საშუალებები, განმარტოება. დღის მონაკვეთი უმჯობესია პირველი სექსისთვის, ამ დროს წყვილი ნაკლებად დაღლილია და მამაკაცს აქვს საშუალება, აკონტროლოს, ტრავმა არ მიაღებინოს ქალს;
პირველი სექსის დროს ქალს უნდა მოეფერონ?
პირველი სექსის დროს პრელუდიის ქონა ძალიან მნიშვნელოვანია, რადგანაც ქალი უნდა მოდუნდეს, სექსი უნდა უნდოდეს, სიამოვნება უნდა იგრძნოს და ტკივილზე არ უნდა ფიქრობდეს, წინააღმდეგ შემთხვევაში ტკივილი მართლაც იქნება ძლიერი. სექსოლოგების რჩევით, პირველი სექსის დროს, სასურველია, რომ მამაკაცმა ჯერ იზრუნოს ქალის ორგაზმზე (კლიტორული) და მხოლოდ შემდეგ მოხდეს დეფლორაცია;
რა პოზაში უნდა მოხდეს დეფლორაცია?
რეკომენდებულია მისიონერული და მხედრული პოზა. თუმცა სექსოლოგების უმრავლესობა მაინც მისიონერულს უწევს რეკომენდაციას;
შეიძლება თუ არა პირველი სექსის წინ სითამამისთვის ალკოჰოლის გამოყენება?
არა არის არანაირი ალკოჰოლური სასმელის მიღება. თუ წყვილი ამის აუცილებლობას ხედავს, უშუალოდ სექსის წინ შეიძლება ერთი ჭიქა შამპანურის (200 გრ) დალევა. ეს მოსხნის დაძაბულობას, გააუმჯობესებს სექსუალურ შეგრძნებებს და დააქვეითებს სირცხვილის გრძნობას;
პირველი სექსის დროს უნდა გამოიყენო თუ არა პრეზერვატივი?
აუცილებელია. ის იცავს ქალს არასასურველი ორსულობისგან, ვენერიული დაავადებებისა და აპკის გახევის დროს ინფექციის შეჭრისგან. სექსოლოგები თვლიან, რომ პარტნიორების ცოლ-ქმრობისა და მათი ჯანმრთელობის შესახებ უტყუარი ფაქტების ქონის შემთხვევაშიც არ არის დეფლორაციის დროს უპრეზერვატივოდ სექსი რეკომენდებული.
საქმე იმაშია, რომ ქალებს საშოში აქვთ გარკვეული ხარისხის სისუფთავე, რამეთუ აქ არ მოხვედრილა გარკვეული ტიპის ბაქტერიები. მამაკაცების ნაწილს არ უყვარს ჰიგიენის დაცვა და არ ესმის ამის მნიშვნელობა. ასეთ შემთხვევაში დაუცველი სექსი გამოიწვევს დახეული აპკის კიდეების დაინფიცირებას და ანთებით პროცესებს. გარდა ამისა, მამაკაცს პენისის თავის ქვეშ, ჩუჩის ფურცლებს შორის, გროვდება სპერმის ნარჩენი და შარდის წვეთები (თუკი ის რეგულარულად არ იცავს ჰიგიენას), რასაც კანცეროგენული ეფექტი აქვს და იწვევს ჯერ საშვილოსნოს ყელის მეტაპლაზიას, არანამკურნალევ შემთხვევაში კი საშვილოსნოს ყელის კიბოს;
რომელია დეფლორაციისთვის საუკეთესო ასაკი?
18-20 წელი. ამ ასაკში აპკი ელასტიურია, არ არის ხისტი. ასაკთან ერთად აპკი სქელდება, შემაერთებელი ელემენტების მატებისა და ელასტიური კომპონენტის კლების ხარჯზე;
როგორ უნდა დაკარგოს გოგომ ქალიშვილობა ნაკლები ტკივილითა და სტრესით?
აუცილებელია, რომ ქალი ფსიქოლოგიურად იყოს მზად დეფლორაციისთვის. მან უნდა იცოდეს, რომ ტკივილი ამ დროს წამიერია;
პროცესს არაფერმა არ უნდა შეუშალოს ხელი – ტელეფონები უნდა გაითიშოს, კარები დახუროს, ნაზი მელოდია ჩაირთოს…
ქალი უნდა აღეგზნოს კარგად – ეროგენული ზონების სტიმულაცია და კლიტორული ორგაზმი;
პენისის შეყვანა უნდა მოხდეს ნელა და დაბალი ამპლიტუდით – ყოველ ჯერზე მეტად ღრმა. ამავდროულად აუცილებელია მამაკაცი აგრძელებდეს ქალის ასერსს. როცა აპკი იხევა ქალს უჩნდება ტკივილის შეგრძნება. აპკის გახევის დროს მამაკაცს უჩნდება ჩავარდნის შეგრძნება. დეფლორაციის შემდეგ მამაკაცმა უნდა გაიგოს ქალის აზრი – რამდენად მტკივნეულია აქტის გაგრძელება. თუ ქალი წინააღმდეგი არ არის სექსი გაგრძელდება მამაკაცის ეაკულაციამდე;
შემდეგ აქტი სასურველია მოხდეს 1-2 დღის შემდეგ. შემდეგი რამდენიმე აქტი აგრეთვე მტკივნეულია, ამიტომაც ისინიც არ უნდა გაიწელოს დროში (10-15 წთ);
მსგავსი სიახლეები
კომენტარი