კენჭისყრის პროცესმა დიდწილად მშვიდ ვითარებაში ჩაიარა - უჩა ნანუაშვილი
„კენჭისყრის პროცესმა დიდწილად მშვიდ ვითარებაში ჩაიარა,“ - ასე აფასებს ომბუდსმენი უჩა ნანუაშვილი 8 ოქტომბრის არჩევნებს.
ამის შესახებ მან დღის ბოლოს სპეციალურ ბრიფინგზე ისაუბრა და ხაზი გაუსვა რამდენიმე დარღვევას.
„სახალხო დამცველის მონიტორებმა დააფიქსირეს ძალადობის ცალკეული ფაქტები, მათ შორის განსაკუთრებით მწვავე იყო მარნეულში 48-ე ოლქში შექმნილი ვითარება. სახალხო დამცველის აპარატი სწავლოს ენმ-ის ორი წარმომადგენლის თბილისში ცემის ფაქტს,“ - განაცხადა უჩა ნანუაშვილმა და რამდენიმე პროცედურულ დარღვევებზეც ისაუბრა.
სახალხო დამცველის მონიტორები არჩევნებს 919 საარჩევნო უბანზე აკვირდებოდნენ. ომბუდსმენის აპარატი ხმების დათვლის პროცედურასაც აკვირდება და საბოლოო შეფასებას სპეციალურ ანგარიშში მოახდენს.
მსგავსი სიახლეები
კომენტარი