დაკარგული ადამიანის ფიქრები, ასე ალბათ, არცერთ მწერალს აღუწერია
ჰანს პრომველი – დაკარგულები
სად წახვალ შენ
როცა გზები არსად მიდის
ალბათ იქ სადაც
იხვები მიფრინავენ ტბების გაყინვის შემდეგ.
სად შეიძლება მიდიოდეს
გზა იმისა
ვინც დაკარგა გზა
ვინც გზამ დაკარგა
ვინც თავად იქცა გზად
ვინც იქცა დიდ გამოცანად
საკუთარი თავისთვის
ვინც მიხვდა, რომ ამერიკული ოცნება
მარტივია,
როგორც ერთუცნობიანი განტოლება,
და X – ყველაფერი იმის კეთებაა
რაც სიამოვნებას განიჭებს
და მოსაბეზრებელ ყოველდღიურობაზე
მაღლა
გაყენებს,
რადგან ხანდახან მაინც
ვიგრძნოთ
რომ ადამიანად ყოფნა ბედნიერებაა.
ჩვენ ერთმანეთში დაკარგულები
და ჩვენ სამყაროში დაკარგულები
და ჩვენ მანჰეტენზე დაკარგულები
ჩვენ ვინც ვეძებთ სიმშვიდის ნაპირებს
სანამ აურზაურის ტალღები გადაივლიან
ჩვენ ვინც აუხდენელ ოცნებებზე ვწუხვართ
რადგან ვგრძნობთ, რომ ყოველთვის რაღაც გვაკლია
რადგან შეგუება რთულია
რადგან შეგუება შეუძლებელია.
სანამ აურზაურის ტალღები გადაივლიან
ხელს არ გაგიშვებ.
თარგმანი : გიორგი
პროლეტარი – შონია
მსგავსი სიახლეები
კომენტარი