მზად ვიყავით, მაგრამ არ ველოდით, რომ სპორტსმენებს, ინტელიგენციას შეეხებოდა - ლავროვი სანქციებზე
რუსეთი სანქციებისთვის მზად იყო, მაგრამ გაოცებული ვართ, რომ ეს ზომები შეეხო სპორტსმენებს, მედიას, - ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა. „მზად ვიყავით სანქციებისთვის, მაგრამ არ ველოდებოდით, რომ ის შეეხებოდა სპორტსმენებს, ინტელიგენციის წარმომადგენლებს, მსახიობებს, მედიის წარმომადგენლებს“, - განაცხადა ლავროვმა. ლავროვი ამბობს, რომ დასავლეთის ქვეყნებმა უარი განაცხადეს რუსეთთან თანამშრომლობაზე „ახალი ევროპული უსაფრთხოების არქიტექტურის ჩამოყალიბებასთან დაკავშირებით“. რუსეთის საგარეო საქმეთა სამინისტროს ხელმძღვანელმა, ასევე, განაცხადა, რომ მოსკოვი არ დაუშვებს რუსეთზე პირდაპირი თავდასხმის საფრთხეს უკრაინის ტერიტორიიდან. „ჩვენ აღარ შეგვიძლია დავუშვათ, რომ რუსეთზე პირდაპირი თავდასხმის საფრთხე უკრაინის ტერიტორიიდან მოვიდეს“, - აღნიშნა ლავროვმა. ცნობისთვის, ეკონომიკური სანქციების გარდა, დასავლეთმა რუსი სპორტსმენები შეჯიბრებიდან დაბლოკა, სანქციონირებულთა სიაში მოხვდა პროპაგანდისტული მედია, ასევე, ოლიგარქები.
მსგავსი სიახლეები
კომენტარი