დავით ბაქრაძემ განაცხადა, რომ საერთაშორისო ორგანიზაციებმა მაღალი შეფასება მისცეს ადგილობრივ არჩევნებს საქართველოში, რაც იმედს იძლევა, რომ ბოლოს და ბოლოს ქვეყანაში პოლიტიკური კულტურა ამაღლდება. ამ თვალსაზრისით პარლამენტის თავმჯდომარის აზრით, სწორედ არჩევნებში მონაწილე ოპოზიციურმა პარტიებმა იაქტიურეს, რომ წინასაარჩევნო კამპანია საქმიან ვითარებაში წარმართულიყო. მთელი კამპანია მიეძღვნა არა პერსონალურ ლანძღვა-გინებას, არამედ ორიენტირებული იყო საქმეზე და ამომრჩევლების ინტერესების დაცვაზე, ამის გამო ბაქრაძემ ყველა პოლიტიკურ ორგანიზაციას, რომელიც მონაწილეობდა არჩევნებში, მადლობა მოუხადა.