უცნაური გარდაცვალება სოხუმის თეატრში
სოხუმის თეატრი პრემიერისთვის ემზადება. ,,კინკასის უცნაური გარდაცვალება“, - ასე ჰქვია სპექტაკლს, რომელიც რეჟისორმა გიორგი თავაძემ, ბრაზილიელი მწერლის, ჟორჟ ამადუს ნაწარმოების მიხედვით დადგა.
პრემიერა 9 და 10 თებერვალს, 20:00 საათზე, მარჯანიშვილის თეატრის მცირე სცენაზე შედგება. ორმოქმედებიანი სპექტაკლი ადამიანის საკუთარ ცხოვრებასთან გაქცევის უძლიერეს სურვილზე და მის მებრძოლ სულზეა აგებული.
სპექტაკლის მთავარი გმირისათვის, - კინკასისათვის, - რთულია საჯარო მოხელის განსაზღვრული წესით ცხოვრება, ამიტომ იგი გაურბის ცხოვრებისეულ წვრილმანებს და სულიერი თავისუფლებისთვისკენ ილტვის... ,,ცხოვრება მარტო წარმატებული სამსახური და განვადებით ნაყიდი მიწის ნაკვეთი არ არის“. - ამ პათოსით ტოვებს ოჯახს კინკასი და ბაიელ მაწანწალებთან ერთად, ქმნის საკუთარი გარდაცვალების იდუმალ ისტორიას.
ინსცენირების ავტორი და დამდგმელი რეჟისორი - გიორგი თავაძე. პროექტი ხორციელდება აფხაზეთის მთავრობის მხარდაჭერით.
მსგავსი სიახლეები
კომენტარი