შპს „მაგთიკომის“ და შპს „ კავკასუს ონლაინის“ ერთობლივი განცხადება
მოხარულები ვართ გაცნობოთ, რომ შპს „მაგთიკომსა“ და შპს „კავკასუს ონლაინს“ შორის მიმდინარე წლის 30 მაისს ხელი მოეწერა საოპერაციო აქტივების ნასყიდობის ხელშეკრულებას.
კავკასუს ონლაინის კორპორაციული და საცალო მომსახურებისთვის საჭირო საოპერაციო აქტივების მაგთიკომისთვის გადაცემის პროცესი სავარაუდოდ დაიწყება 2016 წლის 1 აგვისტოს, რამდენიმე თვე გაგრძელდება და მიმდინარე წლის ბოლომდე დასრულდება.
მომხმარებლებს წინასწარ ვაცნობებთ თარიღს, თუ როდიდან გაუწევს მათ მაგთიკომი საკაბელო ინტერნეტის, ინტერნეტტელევიზიის და ფიქსირებული ტელეფონიის მომსახურებას.
ინტეგრაციის პროცესში მომხმარებლებს შეუფერხებლად, უწყვეტ რეჟიმში მიეწოდებათ მომსახურება.
მაგთიკომი საქართველოში პირველი და ერთადერთი ოპერატორია, რომელიც სრულ ოთხმაგ სერვისს შესთავაზებს მოსახლეობას:
1. მობილური ტელეფონია
2. ფიქსირებული ტელეფონია (რადიო და საკაბელო)
3. ინტერნეტი (მობილური და საკაბელო)
4. ტელევიზია (თანამგზავრული და IPTV)
მსგავსი სიახლეები
კომენტარი