სიყვარულის „ამოუხსნელი“ საიდუმლო ამოხსნილია?
სიყვარულის კოდის მკვლევარებმა, ეს ამოუხსნელი გრძნობა მეცნიერულად გამოიკვლიეს და შემდეგი დასკვნები გამოიტანეს.
ევოლუციის ბრძანება - სასიყვარულო კოდში ევოლუციის უძველესი ბრძანება შეიპარა. ეს უკანასკნელი კი შემდეგნაირად ჟღერს: ინდივიდმა შთამომავლობით უნდა გადასცეს საკუთარი გენები. სწორედ ამიტომ, მამაკაცები, ემორჩილებიან რა ამ ბრძანებას, ცდილობენ, რაც შეიძლება მეტი ქალის მეშვეობით გაავრცელოდნ საკუთარი გენები. “ევოლუციის ბრძანების”მოქმედების შედეგი ასეთია: კაცობრიობის ძლიერი ნახევარი, უპირატესად, აქცევს ყურადღებას ახალგაზრდა ქალებს ( ნაზი კანი, სილამაზე) და მათ ვნებიან ნაყოფიერებას (წვრილი წელი, ფართო თეძოები, დიდი მკერდი), სუსტი სქესი კი ითვალისწინებს პარტნიორის სიმაღლეს, მხრების სიგანეს, აგრეთვე სოციალურ სტატუსსა და ფინანსურ მდგომარეობას.
ერთნაირი გემოვნება - სიყვარულის კოდის მკვლევარებმა აღმოაჩინეს, რომ მამაკაცებისა და ქალების არჩევანში დიდი როლს ასრულებს ოჯახური მემკვიდრეობა. ამერიკელი ანთროპოლოგი დევიდ ბუსი დარწმუნდა, რომ ოჯახებში რამდენიმე თაობის მანძილზე მამაკაცები და ქალები უპირატესობას ანიჭებენ პარტნიორების ერთსა და იმავე განსაზღვრულ ტიპს. ვთქვათ თქვენმა კეთილმა, მსუქანმა ბაბუამ ცოლად შეირთო წყნარი, მგრძნობიარე გამხდარი ქალი. ე.ი. შვილიშვილი, რომელიც ბაბუას ჰგავს, ცოლად შეირთავს თავის წყნარ თანაკლასელს ამიტომ, რომ მემკვიდრეობით მიიღო ბაბუის ხასიათი, ნიჭი, შესაძლებლობები. სიპათიები და ანტიპათიები, უფრო სწორად გემოვნება.
ბუსის აზრს ეთანხმებიან ბრიტანელი გენეტიკოსები, რომლებიც ყველა მსურველს სთავაზობენ, გადაშალონ ალბომები და შეიტყონ თავიანთი რჩეული ტიპი. ამდენად, თქვენი ნათესავების ძველი ფოტოების დათვალიერებისას აუცილებლად ნახავთ, დაახლოებით როგორი იქნება თქვენი მომავალი პარტნიორი.
საქმეში ცნობილი პიროვნებები ერევიან - რა კავშირი შეიძლება იყოს მოდასა და სასიყვარულო კოდს შორის? ასეთი კავშირი არსებობს. გვარწმუნებს გერმანელი ფსიქოლოგი ურუს მარხტგალერი. მას ქმნიან მასობრივი ინფორმაციის საშუალებები. ცნობილი პოლიტიკოსების, ესტრადის პოპულარული არტისტების, კინომსახიობების ცნობილ სახეებს თავიანთი წვლილი შეაქვთ ჩვენს სასიყვარულო მიდრეკილებებში. მაგალითად, თავის ქვეყანაში ასობით ბიჭუნას დაარქვეს ბორისი, ცნობილი ჩოგბურთელის ბეკერის პატივსაცემად. გარდა ამისა, ქალებისათვის პოპულარული გახდა მისი ჟღალი თმები და ჭორფლი. ზოგისთვის ეს არასასიამოვნო იქნება მაგრამ ფაქტი ფაქტად რჩება: ცნობილი ადამიანის გამოსახულებები მკვეთრად აღიბეჭდება ჩვენს სასიყვარულო კოდში.
“თანასწორთა” კავშირი -ადრე მკვლევარები თვლიდნენ, რომ საწინააღმდეგო ხასიათები ერთმანეთს იზიდავენ. სინამდვილეში, ისინი ერთმანეთს იზიდავენ მხოლოდ ერთი შეხედვით და ისიც ცოტა ხნით. სპეციალისტები ამტკიცებენ, რომ ხანგძლივი კავშირი შეიძლება ჩამოყალიბდეს მხოლოდ “თანასწორთა” შორის. სასიყვარულო კოდის ენაზე ეს ნიშნავს, რომ კარგ წყვილს ქმნიან ერთი სოციალური წრიდან გამოსული პარტნიორები, რომლებთაც გააჩნიათ განათლების ერთნაირი დონე, საერთო ინტერესები და შეხედულებები. უახლესმა გამოკვლევებმა აჩვენა, რომ იღბლიან სასიყვარულო წყვილს შეადგენენ ადამიანები, რომლებიც ჰგვანან ერთმანეთს სიმაღლით, წონით, თვალების ფერით, ფილტვების მოცულობითაც კი. მეცნიერები თვლიან, რომ პარტნიორთან მსგავსება ადამიანს საკუთარი თავის რწმენას მატებს.
მეორე ახსნა ბიოლოგიურ ხასიათს ატარებს: გენმა დაგვაპროგრამეს საკუთარი ასლების გასამრავლებლად.ამის გაკეთება კი, ბუნებრივია, უფრო იოლი იქნება მსგავს პარტნიორთან.
გამოდის, რომ ასტროლოგები მართლები არიან – ასტროლოგიაში მოქმედებს კანონი, რომელიც ამტკიცებს, რომ ერთი ელემენტის ადამიანები კარგად ეწყობიან ერთმანეთს. შეგახსენებთ ამ ელემენტებს:
- ჰაერი: ტყუპები, სასწორი, მერწყული;
- წყალი: კიბო, ღრიანკალი, თევზები;
- მიწა: კურო, ქალწული, თხის რქა;
- ცეცხლი: ვერძი, ლომი, მშვილდოსანი;
კარგად ეწყობიან პარტნიორები, რომლებიც მიეკუთვნებიან მიწასა და წყლის ნიშნებს: “მიწა აძლევს წყალს საყრდენს, – ამბობენ ასტროლოგები, – წყალი კი მიწას ნაყოფის ხიდს”. ასევე ხელსაყრელია ჰაერისა და ცეცხლის ნიშნების კავშირი: “ჰაერი ცეცხლს წვის საშუალებას აძლევს, ხოლო ცეცხლი ათბობს ჰაერს”. სხვა კომბინაციები – წყალი და ცეცხლი, ან მიწა და ჰაერი, ასტროლოგების აზრით, კარგს არაფერს გვიქადის.
მსგავსი სიახლეები
კომენტარი