დეველოპერულმა კომპანიამ ,,m2 უძრავი ქონება’’ 25 მილიონი აშშ დოლარის ობლიგაციები განათავსა
თბილისი, 7 ოქტომბერი, 2016 – დეველოპერული კომპანია „m² უძრავი ქონება“ 25 მილიონი აშშ დოლარის მოცულობის 3 წლიანი ობლიგაციების წარმატებით განთავსების შესახებ აცხადებს. ეს არის ქართულ კომპანიებს შორის ყველაზე დიდი მოცულობის ობლიგაციების განთავსება. დეველოპერული კომპანია მომხმარებელს უკვე მეოთხედ აძლევს შესაძლებლობას სარფიანად დააბანდოს თავისუფალი ფინანსური სახსრები m²–ის ობლიგაციებში. ხსენებული სამწლიანი ობლიგაციები აშშ დოლარშია დენომინირებული და მომხმარებელს წლიურ საპროცენტო განაკვეთს, 7.5%-ს სთავაზობს, რაც 2015 წლის 20 მარტს გამოშვებული ობლიგაციების საპროცენტო განაკვეთთან შედარებით 17%-ით ნაკლებია. m2-ის ობლიგაციების განთავსება კომპანია „გალტ & თაგარტ“-მა განახორციელა.
აღსანიშნავია, რომ ობლიგაციების მეოთხე ემისია m2-სთვის წარმატებული აღმოჩნდა - ხსენებულ ობლიგაციებზე მოთხოვნამ მიწოდებას თითქმის 2-ჯერ გადააჭარბა, რამაც ობლიგაციების უპრეცენდენტოდ დაბალ პროცენტში განთავსება განაპირობა.
„მოხარული ვართ განვაცხადოთ m²–ის ობლიგაციების რიგით მეოთხე, ყველაზე მსხვილი და ისტორიულად ყველაზე წარმატებული გამოშვების შესახებ. წინა სამი გამოშვების მსგავსად, m²–ის ობლიგაციების ახლანდელი განთავსების მიმართ დაფიქსირდა გადაჭარბებული მოთხოვნა, რაც კიდევ ერთხელ მოწმობს მომხმარებლის მხრიდან m²–ის მიმართ არსებული მაღალი ხარისხის ნდობას და, მეორე მხრივ, ხაზს უსვამს „გალტ & თაგარტ“-ის პროფესიონალიზმს. ობლიგაციების ბაზარი დაფინანსების წყაროების დივერსიფიკაციის საშუალებას იძლევა და m2 მომავალშიც გააგრძელებს აღნიშნული ფინანსური ინსტრუმენტის გამოყენებას. თავისთავად სამწლიანი ობლიგაციების გამოშვება წლიურ 7.5%-ში პოზიტიურ ტენდენციას ამკვიდრებს ობლიგაციების ბაზარზე საქართველოში და ხელს შეუწყობს ბიზნეს სექტორისთვის დაფინანსების ხელმისაწვდომობას“ - განაცხადა დეველოპერული კომპანიის „m² უძრავი ქონება“ გენერალურმა დირექტორმა, ირაკლი ბურდილაძემ.
„მოხარული ვარ აღვნიშნო „გალტ & თაგარტის“ როლი m2-ის ობლიგაციების წარმატებით გამოშვებაში. ეს არის ქართული კომპანიის მიერ ფიქსირებული შემოსავლის მქონე ფინანსური ინსტრუმენტის ყველაზე მსხვილი საჯარო განთავსება საქართველოში. მომხმარებელი დიდი ინტერესით შეხვდა ობლიგაციების გამოშვებას, რის შედეგადაც მაღალი მოთხოვნა დაფიქსირდა. მინდა მივულოცო „გალტ & თაგარტის“ მთელ გუნდს, რომელიც საკუთარი გამოცდილებისა და პროფესიონალიზმის წყალობით, გახდა საინვესტიციო-საბანკო მომსახურების მიმწოდებელი წამყვანი კომპანია ქვეყანაში. სადღეისოდ „გალტ & თაგარტს“ მიმართავენ კერძო და საჯარო კომპანიები და საერთაშორისო ფინანსური ინსტიტუტები“ - განაცხადა „გალტ & თაგარტის“ სამეთვალყურეო საბჭოს თავმჯდომარემ, არჩილ გაჩეჩილაძემ.
m² -ის შესახებ:
დეველოპერული კომპანიის m² მისიაა, საქართველოში მცხოვრები ადამიანებისთვის შექმნას უკეთესი ხარისხის, კომფორტული და თანამედროვე საცხოვრებელი პირობები. m² საქართველოში ამკვიდრებს ხარისხიანი და კომფორტული ცხოვრების სტანდარტს და ყველასთვის ხელმისაწვდომს ხდის მას. m² ეძებს ისეთ ნოვატორულ მიდგომებს, რომლებიც ახალ სიმაღლეზე აიყვანს საცხოვრებელი ფართის როგორც ოპტიმალური დაგეგმვის, ისე მშენებლობის პროცესს. დამატებითი ინფორმაციისთვის ეწვიეთ: www.m2.ge
„გალტ & თაგარტი“-ს შესახებ:
საინვესტიციო ბანკი - საქართველოში ლიცენზირებული საბროკერო კომპანია „გალტ & თაგარტი“, მომხმარებელს სთავაზობს, მომსახურების სრულ სპექტრს: კორპორაციულ საკონსულტაციო მომსახურება, კერძო კაპიტალის მართვა, დარგოვილი ქონების მართვა, საბროკერო მომსახურება და კვლევა. დამატებითი ინფორმაციისთვის, ეწვიეთ: www.gt.ge
მსგავსი სიახლეები
კომენტარი