ღვეზელი კოლუმბიურად
მასალა:
125 გრამი კარაქი ან მარგარინი
125 გრამი ღორის ქონი
150 გრამი შაქარი
2 ცალი კვერცხი
250 გრამი სიმინდის ფქვილი
250 გრამი ხორბლის ფქვილი
კარაქი და ქონი გავადნოთ, ვაცალოთ ცოტა გაციება და დავამატოთ კვერცხები და გაცრილი ფქვილი. ძალიან კარგად მოვზილოთ და გავაჩეროთ 1 საათი. შემდეგ გავაკეთოთ კვერცხის ზომის მოგრძო ფორმის ბურთულები, მოვათავსოთ ისინი კარაქწასმულ ტაფაზე, თითოეული ბურთულის შუაში გავაკეთოთ ჩაღრმავება. მოვათავსოთ ტაფა ღუმელში. ვაცხოთ საშუალო ტემპერატურაზე მანამდე, სანამ ღია ყვითელი ფერის არ გახდება. სუფრაზე მიტანის წინ გავაფორმოთ დაშაქრული ხილით, კომპოტით და ვანილის კრემით.
მსგავსი სიახლეები
კომენტარი