წინ ცხელი ზაფხული გველის – როდიდან მოიმატებს ტემპერატურა საქართველოში
საქართველოში ზაფხულში დაცხება, თუმცა ანომალიურ სიცხეს არ უნდა ველოდოთ, ამის შესახებ გარემოს ეროვნული სააგენტოს ამინდის გრძელვადიანი პროგნოზების სამმართველოს ხელმძღვანელმა ხათუნა ქოქოსაძემ „ფორტუნას“ განუცხადა.
ივლისსა და აგვისტოში, შესაძლოა, ჰაერის ტემპერატურამ 37-39 გრადუსს მიაღწიოს.
„ცხელი ზაფხული იქნება, მაგრამ ანომალიურად ცხელი არა. განსაკუთრებულად ჰაერის ტემპერატურის მომატებას, ჯერჯერობით, არ ველოდებით. 37-39 გრადუსი ტემპერატურა გასულ წლებშიც იყო. ყველაზე მაღალ ნიშნულს ჰაერის ტემპერატურა ივლისის შუა რიცხვებიდან აგვისტოს შუა რიცხვებამდე აღწევს. 40-41 გრადუსს ტემპერატურამ შესაძლოა კახეთის რეგიონში მიაღწიოს,“ – აღნიშნა ხათუნა ქოქოსაძემ.
რაც შეეხება უახლოეს დღეებში ამინდის პროგნოზს, თბილისში 23 ივნისიდან წვიმიანი ამინდი შეწყდება და ჰაერის ტემპერატურა მოიმატებს.
წყარო: fortuna.ge
მსგავსი სიახლეები
კომენტარი