საქართველოს ბანკმა და მის ჯგუფში შემავალმა კომპანიებმა 13 ივნისს სტიქიით დაზარალებულთა დახმარების მიზნით 1,3 მილიონი ლარის მობილიზება მოახდინეს

თბილისი, 24 ივნისი, 2015 - საქართველოს ბანკმა, ქვეყნის წამყვანმა ბანკმა და მის ჯგუფში შემავალმა კომპანიებმა, 13 ივნისს სტიქიით დაზარალებულთა დახმარების მიზნით 1,3 მილიონი ლარის მობილიზების თაობაზე განაცხადეს. თბილისის მერიასთან ერთობლივი გადაწყვეტილებით, აღნიშნული თანხა გადაირიცხება სტიქიით დაზარალებულთა დასახმარებლად მერიის მიერ შექმნილ სპეციალურ ანაგარიშზე და სრულად მოხმარდება მათი მუდმივი საცხოვრებლით უზრუნველყოფას.

მნიშვნელოვანია, რომ საქართველოს ბანკმა და მის ჯგუფში შემავალმა კომპანიებმა მიიღეს გადაწყვეტილება სტიქიით დაზარალებულთა დახმარების მიზნით, გამოყოფილი თანხები გაზარდონ მილიონ ლარამდე. ჯამში საქართველოს ბანკის მიერ შეგროვილმა თანხამ 1,3 მილიონი ლარი შეადგინა. შეგროვილი 1,3 მილიონი ლარიდან, მომხმარებელმა საქართველოს ბანკში გახსნილ ანგარიშზე ჩარიცხა 300,000 ლარი. საქართველოს ბანკი მადლობას უხდის თოთოეულ იმ მომხმარებელს, რომელმაც გამოიჩინა გულისხმიერება და თანხა გადმორიცხა დაზარალებულთა დასახმარებლად. საქართველოს ბანკი ასევე მადლობას მოახსენებს მის ჯგუფში შემავალ კომპანიებს მხარდაჭერისთვის.

თბილისის მერია სისტემატიურად განათავსებს 13 ივნისის სტიქიით დაზარალებულთა დახმარების მიზნით მობილიზებული ამ და სხვა თანხების ათვისების დეტალურ ანაგარიშს ვებგვერდზე: http://help.tbilisi.gov.ge