მათი სახეები და წარსული მყარად არის ჩაბეჭდილი ქართველი ხალხის მეხსიერებაში და მისი ამოშანთვა უკვე შეუძლებელია. "რესპუბლიკელები" სწორედ ამიტომაც იქცნენ ადგილობრივი პოლიტიკის მარგინალებად, თუმცა მაინც გამწარებულები ებღაუჭებიან ფარდას და სცენიდან გასვლას არაფრით არ თმობენ. მაგრამ მათთვის განაჩენი უკვე კარგა ხანია გამოტანილია: "რაფინირებულ ინტელექტუალურ ოპოზიციას" აღარც ქუჩა ღებულობს და არც მათთვის ნაოცნებარი პარლამენტი თუ სამინისტროები. საქართველოში ყველა პოლიტიკური ძალა მიხვდა, რომ ამ უკანასკნელებთან ალიანსი მხოლოდ რეიტინგის დაკარგვას და მარგინალიზაციას იწვევს, რასაც ყოველი არჩევნები კიდევ ერთხელ თვალსაჩინოდ ადასტურებს.