მთავრობამ ევროკომისიის რეკომენდაციების შესრულების სამოქმედო გეგმა დაამტკიცა, რომელიც ევროკომისიას გადაეგზავნება
მთავრობის ცნობით, ევროინტეგრაციის კომისიის 70-ე სხდომა გაიმართა, სადაც საქართველოს რეფორმების დღის წესრიგი განიხილეს და ევროკომისიის რეკომენდაციების შესრულების სამოქმედო გეგმა დაამტკიცეს.
სამოქმედო გეგმის მომზადებას საგარეო საქმეთა სამინისტრომ საქართველოს პარლამენტთან თანამშრომლობით გაუწია კოორდინაცია. გეგმა ყველა შესაბამისი უწყების ჩართულობით მომზადდა.
"მასში გაწერილია რეკომენდაციების ფარგლებში განსახორციელებელი კონკრეტული ნაბიჯები, განსაზღვრულია პასუხისმგებელი უწყებები და შესრულების ვადები.
კომისიის გადაწყვეტილებით სამოქმედო გეგმა ევროკომისიას გადაეგზავნება", - წერია განცხადებაში.
დღევანდელ მთავრობის სხდომაზე დამტკიცდა დეოლიგარქიზაციის სამოქმედო გეგმა.
მსგავსი სიახლეები
კომენტარი