„იმედით, რომ ბითლზებმაც ასე დაიწყეს“- საქართველოში ყველაზე წარმატებული ჯგუფის, BEDFORD FALLS -ის განვლილი გზა და სამომავლო გეგმები
დღესდღეობით საქართველოში მზარდი პოპულარობით ინდი-როკ ჯგუფი BEDFORD FALLS სარგებლობს. ჯგუფი 2014 წელს შეიქმნა . ხარისხიანი მუსიკა,ზუსტად მორგებული ტექსტი, ბევრი თავისუფლება, ლირიკა და ქალაქს დამსგავსებული აბსტრაქცია. სწორედ ასეთია ერთგული მსმენელისთვის BEDFORD FALLS.
ჯგუფის განვლილ გზასა და სამომავლო გეგმებზე ბას-გიტარისტი, გიორგი მიგრიაული, გვესაუბრება :
- არც ისე დიდი ხანია რაც BEDFORD FALLS არსებობს, მაგრამ ამ მცირე დროში საკმაო პოპულარობას მიაღწიეთ და ეს პოპულარობა დღითიდღე იზრდება. რამ განაპირობა ჯგუფის შექმნა?
- ეს ყველაფერი იმით დაიწყო, რომ დავით ჯიქიამ ჩვენმა ვოკალისტმა, სანდრო ქერაულმა, რომელიც იმ დროისთვის ბას-გიტარისტი იყო და ჩვენმა დრამერმა სანდრო დიასამიძემ გადაწყვიტეს ერთობლივი ჯგუფის შექმნა, რათა მათი იდეები, ამბიციები და მისწრაფებები მუსიკით გამოეხატათ. ასე შეიქმნა BEDFORD-ი.
-ჯგუფი სულ 4 წევრისგან შედგება. მოკლედ რომ მოგვიყვე როგორ შეიკრა ჯგუფი, მანამდეც იცნობდით ერთმანეთს თუ მუსიკამ გაგაერთიანათ?
- მე თავიდან ჯგუფში არ ვიყავი,მოგვიანებით შევემატე მათ,როცა სანდრომ, ბას-გიტარისტმა, დატოვა ჯგუფი.რაც შეეხება დანარჩენებს ისინი ადრევე იცნობდნენ ერთმანეთს, კურსელები იყვნენ.
-რატომ BEDFORD FALLS , რატომ ცნობილი ფილმის რეფერანსი. რით უკავშირდება ის თქვენს ჯგუფს ?
-ზოგადად ამ კითხვას დავითი პასუხობს ხოლმე ,რადგან ჯგუფის სახელწოდება მისი საყვარელი ფილმიდან გაჩნდა. ფილმში It’s wonderful life “ არის ასეთი უტოპიური ქალაქი, სახელწოდებით BEDFORD FALLS. და სწორედ ამ პატარა ქალაქთან გააიგივა მან ჩვენი ჯგუფი, რადგან უნდოდა მუსიკაც ისეთივე უტოპიური ყოფილიყო,როგორიც ეს ქალაქი იყო. ქალაქი, სადაც ყველა ყველას იცნობს.
-როგორ დაახასიათებდი ჯგუფის მუშაობის პროცესს?
--მუშაობის პროცესი ზოგადად ასეთია: დავითს მოაქვს გეგმა, სადაც წერია მისი მელოდია.შემდეგ უკვე რეპეტიციებზე ჩვენ ჩვენებურ ინტერპრეტირებას ვახდენთ.ვფიქობთ მისამღერზე და შემდგომ ყველას ნაფიქრალს ერთად ვაერთიანებთ, თუმცა, ძირითადად დავითი წერს სიმღერებს.
-ოთხი წევრი ხართ ჯგუფში და ბუნებრივია აზრთა სხვადასხვაობა იქნება, როგორ თანხმდებით ხოლმე ამ ყველაფერზე?
-აზრთა სხვადასხვაობა ნამდვილად არის ხოლმე, მაგრამ საბოლოო ჯამში მაინც ვახერხებთ საერთოს გამონახვას ,ყველაფრისგან ცოტ-ცოტას ვიღებთ და ვაერთიანებთ შემდგომ.
-ვინ არის ჯგუფში ყველაზე ზარმაცი ?
- როცა საქმე ბენდს ეხება ზარმაცები ნაკლებად ვართ,მაგრამ როგორც პიროვნება ალბათ სანდრო.
-რატომ ინგლისურად და არა ქართულად ?
- როგორც დავითი ამბობს ხოლმე, არ უნდა, რომ მუსიკა,რომელსაც ჩვენ ვქმნით დაემსგავსოს ეთნო დაჯგუფების პროდუქტს და ამიტომ ცდილობს მუსიკა გახადოს აბსტრაქტული , ასე ვთქვათ world wide პროდუქტი. გარდა ამისა, მნიშვნელოვანია იმის აღნიშვნაც. რომ ინგლისური ლირიკა ბევრად უფრო უკეთესად ჯდება, ვიდრე ქართული.
-რამდენად მნიშვნელოვანია თქვენთვის სიმღერის ტექსტი ?
-ასე ვთქვათ უმნიშვნელოა, მხოლოდ ისეთ კონტექსტს ვიღებთ, რაც მუსიკას მოუხდება, ჩვენ შემთხვევაში მთავარი ისაა, თუ როგორი იქნება მუსიკა.
-რამდენად ეთანხმები იმ აზრს, რომ სიმღერის ტექსტმა ადამიანს სუიციდისკენ შეიძლება, რომ უბიძგოს ?
-შეიძლება, გააჩნია მსმენელს რამდენად უყვარს ბენდი და როგორი დამოკიდებულება აქვს მისი მუსიკის მიმართ.
-როგორც ვიცი წინა წელს TBILISI OPEN AIR-ზე დაუკარით.როგორ დაახასიათებდი ქართველ მსმენელს?
- ხო, შარშან იყო და წელსაც ვაპირებთ. ჩვენი მსმენელი ძალიან ერთგულია, მოსწონს ის,რასაც ვქმნით.
-რომელი სიმღერის შესრულება გიყვარს ყველაზე მეტად? რატომ?
-მე მიყვარს ისეთი სიმღერების დაკვრა სადაც ჩემი ბასს პარტიებია . მაგალითად: vietnam song, lucille ან icarus.
-საუკეთესო მუსიკალური ბენდი რომლისთვისაც ოდესმე მოგისმენია?
-ერთ-ერთი ჩემი ფავორიტი ბენდია Stoned Jesus.
-სიმღერის სახელწოდება , რომლის ავტორიც ,რომ შეგეძლოს დიდი სიამოვნებით იქნებოდი.
-ძალიან ბევრი სიმღერის ავტორი მინდა რომ ვიყო. თუნდაც pantera -ს cowboys from hell.
-როგორ ფიქრობ რატომ მიიჩნევენ ადამიანები როკსა და მძიმე მეტალს სატანისტურ მუსიკად ?
- ეს ალბათ უფრო იმის ბრალია , რომ 80-იანებიდან მოყოლებული საზოგადოების მუსიკალური გემოვნება ჩარჩოშია მოქცეული.
-მუსიკა ,რომ არ არსებობდეს..
- ალბათ ცხოვრება ნაცრისფერი იქნებოდა.
-სიტყვა ,რომელიც ყველაზე მეტად შეეფერება თქვენს ჯგუფს..
-წარმატებულები , წარმატებულები და ისევ წარმატებულები.
-ამჟამად რაზე მუშაობთ , სამომავლო გეგმები?
-სხვათაშორის ახლა ვიწყებთ ახალ პროექტს, გიორგი გვარჯალაძე გვეხმარება და ალბომის გამოშვებაზე ვმუშაობთ. საკმაოდ რთული და შრომატევადი პროცესია.
-რას ეტყოდი იმ ადამიანებს, რომლებიც ახლა იწყებენ ?
- ვურჩევდი,რომ მოძებნონ ისეთი ადამიანები,რომლებთანაც შეძლებენ საკუთარი ინტერესებისა და ამბიციების რეალიზებას. არ გაჩერდნენ სახლში, ეძებონ ყოველთვის თანამოაზრეები და შექმნან პროდუქტი,რომელიც მათ იდეებს რეალობად აქცევს.
მსგავსი სიახლეები
კომენტარი