სხვა სიმღერებთან ერთად, ვალერი მელაძე თბილისში "წინწყაროს" და "თბილისოს" იმღერებს
როგორც ცნობილია, 7 აპრილს თბილისში ვალერი მელაძე იმღერებს. კონცერტი საქველმოქმედოა და შემოსავალი ლეიკემიით დაავადებული ბავშვების მკურნალობის ფონდში გადაირიცხება.
უკვე ცნობილია ისიც, რომ მელაძე თბილისში 7 აპრილს დილით, 25 პირის თანხლებით ჩამოვა. თავის ცნობილ ჰიტებთან ერთად, რუსეთში მოღვაწე ქართველი მომღერალი "წინწყაროს" და "თბილისოს" შეასრულებს.
კონცერტში მონაწილეობას საქართველოში მყოფი ქართველი მომღერლებიც მიიღებენ. სახელდება ორი მათგანი - „ქართული ხმები“ და „თეატრალური კვარტეტი“.
ვალერი მელაძის კონცერტის მიმართ თბილისში დაინტერესება ძალიან დიდია და ეს ბუნებრივია, თუ გავიხსენებთ, რომ ამ მომღერალს უკვე 15 წელია, საქართველოში კონცერტი არ ჩაუტარებია.
მსგავსი სიახლეები
კომენტარი