გამოკითხულთა უმრავლესობისთვის, ივანიშვილის „პანორამა თბილისი“ მიუღებელია
NDI-ის ახალი კვლევის მიხედვით, გამოკითხულთა უმრავლესობა "პანორამა თბილისის" პროექტის, რომლის იდეაც ბიძინა ივანიშვილს ეკუთვნის, წინააღმდეგია.
კერძოდ, თბილისში ჩატარებული გამოკითხვისას რესპონდენტთა 71%-მა განაცხადა, რომ სმენია პროექტ "პანორამა თბილისის" შესახებ, 29%-ს კი არ სმენია.
აღნიშნული 71%-დან, 32%-ისთვის "პანორამა თბილისი" მისაღებია, თუმცა, 41%-ისთვის მიუღებელი. 26%-ს კი ჩამოყალიბებული პოზიცია არ აქვს.
NDI-ის კვლევის საველე სამუშაოები 8 აგვისტოდან 10 სექტემბრის პერიოდში ჩატარდა. საქართველოს მასშტაბით 4 448 ადამიანი, პირისპირ ინტერვიუს წარმომადგელობითი შერჩევის საფუძველზე გამოიკითხა.
NDI-ის კვლევებს შვედეთის საერთაშორისო განვითარების და თანამშრომლობის სააგენტო (SIDA) აფინანსებს და CRCC-საქართველო ატარებს.
მსგავსი სიახლეები
კომენტარი