კვირიკაშვილის ორდღიანი ოფიციალური ვიზიტი ჩეხეთის რესპუბლიკაში დღეს დაიწყო
საქართველოს პრემიერ-მინისტრის გიორგი კვირიკაშვილის ორდღიანი ოფიციალური ვიზიტი ჩეხეთის რესპუბლიკაში დაიწყო. მთავრობის ადმინისტრაციაში დახვედრის ოფიციალური ცერემონიალი გაიმართა.
მთავრობის მეთაურების პირისპირ შეხვედრის შემდეგ, მოლაპარაკებები დელეგაციებს შორის გაფართოებულ ფორმატში გაგრძელდა. შეხვედრაზე განსაკუთრებული ყურადღება გამახვილდა ორმხრივი ვაჭრობის სფეროში არსებულ პერსპექტივებზე. განხილული იყო კონკრეტული საინვესტიციო პროექტები.
აღინიშნა, რომ ქვეყნებს შორის დიდია ინტერესი ვაჭრობის განვითარების მიმართულებით. ასევე საუბარი წარიმართა ჩეხური ინვესტიციების განხორციელების შესაძლებლობებზე საქართველოს ეკონომიკის სხვადასხვა სექტორში. შეხვედრაზე აღინიშნა საქართველოს მიერ მიღწეული პროგრესი ევროკავშირთან ასოცირების შეთანხმების, მათ შორის, ღრმა და ყოვლისმომცველი თავისუფალი სავაჭრო სივრცის ფარგლებში წარმატებით განხორციელებული რეფორმების მიმართულებით.
შეხვედრას ჩეხეთისა და საქართველოს ეკონომიკისა და სოფლის მეურნეობის მინისტრები, საგარეო საქმეთა მინისტრის მოადგილეები ესწრებოდნენ.
მსგავსი სიახლეები
კომენტარი