მუხრან მაჭავარიანის „შებრუნებით წასაკითხი“ ლექსი „ეგ ღმერთმა ნუ ქნას!“
მუხრან მაჭავარიანის ლექსი „ეგ ღმერთმა ნუ ქნას!“ საკმაოდ ცნობილი ლექსია. ის პოეტმა ქართველობას და ქართველობის შენარჩუნებისკენ მოწოდებას მიუძღვნა და მასში არამხოლოდ რწმენის, ზოგადად, ყველაფერი ქართულის დაცვის, მოფრთხილების სურვილი ჩააქსოვა, ამავე დროს, „გათათრებაში“, ზოგადად, სამშობლოს ღალატი იგულისხმევა და არა რომელიმე ერის დაკნინების სურვილი. მაგრამ ცოტამ თუ იცის, რომ ლექსის გამოქვეყნების პირველ წლებში კულუარებში ლექსის სიტყვებს ადგილს უცვლიდნენ და ისე კითხულობდნენ. ერთ-ერთი ვერსიით, პირველად ეს ვიწრო წრეში თვითონ ბატონმა მუხრანმა გააკეთა: მან ლექსში მოხსენიებულ „მუხებსა“ და „ჭადრებს“ ადგილი შეუცვალა და „ნუ გათათრდები!“-ს ნაცვლად „ნუ გარუსდები!“ გარითმა. ორიგინალში ლექსი ასე გამოიყურება:
„ქუხდნენ მუხები, ქუხდნენ ჭადრები:
ნუ გათათრდები! ნუ გათათრდები!
ქუხან მუხები, ქუხან ჭადრები:
ნუ გათათრდები! ნუ გათათრდები!
ქუხილი მათი, ძახილი მათი -
ვაითუ, მხოლოდ შენ გესმის, მუხრან!
ეგ ღმერთმა ნუ ქნას! ეგ ღმერთმა ნუ ქნას!“
„გადაკეთებულმა“ ლექსმა კი ასეთი შინაარსი შეიძინა:
„ქუხდნენ ჭადრები, ქუხდნენ მუხები:
ნუ გარუსდები! ნუ გარუსდები!
ქუხან ჭადრები, ქუხან მუხები:
ნუ გარუსდები! ნუ გარუსდები!
ქუხილი მათი, ძახილი მათი -
ვაითუ, მხოლოდ შენ გესმის, მუხრან!
ეგ ღმერთმა ნუ ქნას! ეგ ღმერთმა ნუ ქნას!“
მსგავსი სიახლეები
კომენტარი