ერთი სიტყვით, "სახალხო კრებაში" შემავალი პარტიები საყოველთაო დაუმორჩილებლობას გაზაფხულზე გამოაცხადებენ. ჯერჯერობით მხოლოდ ის ვიცით, რომ თებერვლამდე მთელი საქართველოს მასშტაბით დაუმორჩილებლობის კომიტეტებს შექმნიან. დაუმორჩილებლობას ამ ეტაპზე, კონკრეტულად რა ფორმით გამოხატავენ, არაა ცნობილი. ვინ აფინანსებს ამ ყველაფერს, ამას კვლავაც არ გვიმხელენ. რომელ გამხელაზეა ლაპარაკი, თურმე ეს კითხვა არც უნდა დავსვათ და თუ დავსვამთ, გვეტყვიან, ხელისუფლებისგან შეკვეთილი კითხვააო. კი შეკვეთილი კითხვაა, ოღონდ არა ხელისუფლებისგან, არამედ ხალხისგან. მოკლედ, აქ ბევრი ლაპარაკი საჭიროა აღარაა, შეგვიძლია გაზაფხულს დაველოდოთ. მორიგი სამკვდრო-სასიცოცხლო ბრძოლა გაზაფხულზე იწყება...