უფასო ოპერაციული ჩარევები, აფხაზეთიდან დევნილი მოსახლეობისთვის
15 იანვრიდან კლინიკა „ჯანმრთელობის სახლში“ სანქტ - პეტერბურგიდან მოწვეული ქირურგი – ფლებოლოგი, მედიცინის დოქტორი ირაკლი პაპასქუა, აფხაზეთიდან დევნილი მოსახლეობისთვის, აფხაზეთის ჯანმრთელობის და სოციალური დაცვის სამინისტროს მიერ დაფინანსებული პროექტით, ოპერაციებს უფასოდ ჩაატარებს.
ვენების ვარიკოზული გაგანიერება — არის ვენების დაავადება, რომელიც იწვევს სანათურის გაფართოებას და ვენური კედლის გათხელებას. ეს არის საკმაოდ გავრცელებული დაავადება.
დღეისათვის
ეს დაავადება აღენიშნება ყოველ მესამე ქალს და მეათე მამაკაცს და რაც
მთავარია, ძირითადად 40 წლამდე ასაკის შრომისუნარიანი ადამიანებში.
ვარიკოზული დაავადების მიზეზები - სარქვლოვანი აპარატის უკმარისობაა.
ვენების დაავადების მიზეზები არის: ადამიანების ფეხზე მდგარი ცხოვრების წესი;
მუცლის ღრუში წნევის მომატება; სიმძიმეების აწევა; ხველა, ცემინება; ქრონიკული შეკრულობა; ასაკი, ჭარბი წონა, თამბაქო;
ქალებში ვარიკოზული დაავადება შეიძლება განვითარდეს ორსულობის დროს
ჰორმონალური ცვლილებების ფონზე, ასევე არასწორად შერჩეული ჰორმონალური
კონტრაცეპციის წყალობით.
სიმპტომები
ვენების დაავადების პირველი ნიშანი არის დღის ბოლოს ფეხების შეშუპება,
წვის, სიმძიმის შეგრძნება ხანგრძლივად ფეხზე დგომის ან ჯდომის შემდეგ.
მოგვიანებით ჩნდება ტკივილი წვივის მიდამოში, სიმხურვალის შეგრძნება და
ღამის საათებში განვითარებული კრუნჩხვები კანჭის კუნთებში.
წარმოიქმნება ვიზუალურად სისხლძარღვოვანი ”ვარსკვლავები”, ფართოვდება
კანქვეშა ვენები. პროგრესირების შემთხვევებში შეიძლება განვითარდეს
ტროფიკული დარღვევები - თრომბოფლებიტი, ტროფიკული წყლულები ან ეგზემა.
ვარიკოზული დაავადების მკურნალობის წარმატება პირდაპირ არის დამოკიდებული იმაზე, თუ რომელ სტადიაზე იწყება მკურნალობა.
მკურნალობა მით უფრო შედეგიანია, რაც უფრო ადრე მიაკითხავთ ექიმ - ფლებოლოგს.
მკურნალობა შეიძლება სამი გზით: ქირურგიული ოპერაციის ჩატარებით, სკლეროთერაპიის მეთოდით და მედიკამენტების გამოყენებით.
ქირურგიული მკურნალობის დროს ხდება დაზიანებული ვენის მოცილება ქირურგიული
მეთოდით. უნდა აღინიშნოს, რომ კანქვეშა ვენების მოცილება ხელს არ უშლის
სისხლის დინებას და სავსებით უვნებელია ორგანიზმისათვის.
მსურველები დაგვიკავშირდით
☎️ტელ: 599 49 57 58
შემოგვიერთდით ფეისბუქზე - https://www.facebook.com/hhealthhouse/
მსგავსი სიახლეები
კომენტარი