,,გული მეწვის...დიახ კორონა! ბაბუა და შვილიშვილი ერთდროულად" - ვინ არის კორონავირუსით გარდაცვლილი 15 წლის გოგო
დღეს საქართველოში კორონავირუსით გარდაცვლილი 15 წლის გოგო ქეთი კობერიძეა. მოსწავლის გარდაცვალებას სოციალურ ქსელში პედაგოგები ემოციური პოსტებით ეხმაურებიან.
,,გული საშინლაად მტკივა. ურთულესია მოსწავლის გარდაცვალების გააზრება. ვზივარ და ვფიქრობ რამდენი თბილი და ტკბილი დრო გაგვიტარებია ერთად. გული მეწვის, ამ ფოტოების, შეტყობინებების ნახვაა, რომელიც უკვე მოგონებაა, ტკბილი მოგონება. ცრემლიანი და ტკივილიანი მოგონება.
ქეთა ჩემო ლამაზო, თბილო, თვალებციმციმა, ყოველთვის ხალისიანო. ძალიან დამწყვიტე გული. შენი ხმა ყურში ჩამესმის "მასწიკო". რამდენჯერმე მოგიმართავს ეგრე და ეხლა შენს "მასწიკოს" ძალიან უჭირს ამ ყველაფრის გააზრება. შენს კლასელებს, მეგობრებს და მასწავლებლებს ვუსამძიმრებ. მათ ყველას ძალიან უჭირს დღეს შენს გამო", - წერს ხათო ბადირეიშვილი.
მოსწავლეს ემოციური პოსტით ეხმაურება კიდევ ერთი პედაგოგი.
,,ზუსტად ერთი წლის წინ, რამდენად ბედნიერები ვყოფილვართ ერთად. ასე მითხრა, მასწიკო, სულ მინდოდა მასწავლებლები ფერიები ყოფილიყვნენ და ესეც ამისრულდაო. უამრავი ოცნება, სურვილი დარჩა... ჩემო ქეთი, ჩემო ფერია გოგო, ჩვენო ანგელოზო. კორონა! დიახ კორონა! ბაბუა და შვილიშვილი ერთდროულად. დაიცავით ეს ოხერი წესებიიიიიიიიი, დაიცავით", - წერს ანა კინწურაშვილი.
მსგავსი სიახლეები
კომენტარი