ჯანდაცვის მინისტრი: მდგომარეობა საგანგაშოა

მდგომარეობა არის ნამდვილად საგანგაშო, არ არის მარტივი სიტუაცია, - ამის შესახებ ჯანდაცვის მინისტრმა, ეკატერინე ტიკარაძემ ჟურნალისტებს განუცხადა.

მისი თქმით, ჯანდაცვის სამინისტრო, მისი ყველა უწყება და ჯანდაცვის ყველა წარმომადგენელი 24-საათიან რეჟიმში არიან ჩართული პროცესის მართვაში.

„ყველანაირად ვცდილობთ, რომ პროცესს გავუმკლავდეთ. მინდა კიდევ ერთხელ მივმართო როგორც მედიას, ასევე მოსახლეობას - ჩვენ არ ვართ ყოვლისშემძლეები, ჩვენც გვიჭირს გარკვეული სირთულეების დაძლევა, ჩვენ დამოკიდებული ვართ ჩვენი მოქალაქეების პასუხისმგებლობაზე“, - განაცხადა ეკატერინე ტიკარაძემ.