You Tube – ზე მანანა არჩვაძე-გამსახურდიას საშობაო მილოცვა აიტვირთა (ვიდეო)
ვიდეოპორტალ You Tube-ზე საქართველოს პირველი პრეზიდენტის, ზვიად გამსახურდიას მეუღლის, მანანა არჩვაძე-გამსახურდიას საშობაო მილოცვა აიტვირთა.
კადრში ჩანს მანანა არჩვაძე-გამსახურდია, რომელიც დაწერილ მილოცვას საქართველოს დემოკრატიული რესპუბლიკის (1918-21 წ.წ.) დროშის ფონზე კითხულობს.
„რამდენიმე დღეში ჩვენ შობა-ახალ წელს ვიზეიმებთ. ნება მომეცით, ამ წერილით მოგმართოთ“, - ამ სიტყვების შემდეგ მანანა არჩვაძე-გამსახურდია ფურცელზე ამობეჭდილ ტექსტს კითხულობს. ვიდეო 2011 წლის 4 იანვარსაა გადაღებული.
„ვულოცავ საქართველოს ყველა კუთხის წარმომადგენელს, ვუსურვებ მათ ჯანმრთელობას, ბედნიერებას, სამშობლოს ჭეშმარიტ თავისუფლებასა და გამძლეობას“, - ნათქვამია მილოცვაში.
მსგავსი სიახლეები
კომენტარი