სს "იბერია რეფრეშმენტსის" მარკეტინგისა და გაყიდვების დეპარტამენტის უფროსის, ლევან კასრაძის ინფორმაციით, "პეპსი მაქსი", როგორც ბრენდი, გათვლილია მამაკაცების სეგმენტზე. მისი ჩამოსხმა სულ რამდენიმე დღეა, რაც დაიწყო. "პეპსი მაქსი" ლუდის ფორმის ბოთლში ისხმება და მოცულობით ნახევარ ლიტრს შეადგენს. მისი ღირებულება "პეპსის" ფასის ადეკვატურია. ლევან კასრაძის განმარტებით, მამაკაცებისთვის ასეთი ტიპის სასმელი საქართველოში პირველად ჩამოისხა. "რამდენიმე დღიანი გაყიდვების შედეგებით თუ ვიმსჯელებთ, "პეპსი მაქსი" საკმაოდ მოთხოვნადი პროდუქტი იქნება". კომპანიის მარკეტინგის სამსახურს ჯერ სარეკლამო კამპანია არ დაუწყია, თუმცა ერთი კვირის მანძილზე, რაც "პეპსი მაქსი" ჩამოისხა, გაყიდვების მაჩვენებელმა მაქსიმუმს მიაღწია. "პეპსი მაქსი" კომპანიისთვის მნიშვნელოვანი პროდუქტია, ვინაიდან ომის შემდგომ წლებში, როგორც ბიზნესის დანარჩენ სექტორში, გამაგრილებელი სასმელების კუთხითაც გაყიდვების მაჩვენებელი დაეცა. 2008-2009 წელს `პეპსის~ გაყიდვების მაჩვენებელი არც ისე მაღალი იყო, რაც არ ითქმის 2010 წელზე, ვინაიდან ამ წელს "პეპსის" გაყიდვებმა მნიშვნელოვნად მოიმატა.