მოკლედ, შემოდგომამდე ისვენებენ ბატონები, თანაც დაფინანსებას ელოდებიან, ყველაზე მთავარს, აბა, ფულის გარეშე ხომ ხელ-ფეხი აქვთ შეკრული, ძალებსაც იკრებენ და შემოდგომიდან გააქტიურდებიან, დაიწყებენ კუნტრუშს. დიახ, გავრცელდა ინფორმაცია, რომ ზოგი პარტია სულს ღაფავს, ფულს ელოდება პატრონისგან, თურმე საწყლებს ჯიბის ფულიც აღარ ჰქონიათ და ლამის მხოლოდ ლიდერებიღა დარჩნენ პარტიაში, აქტივისტები გარბიან ერთმანეთის მიყოლებით. ეს ის პარტიაა, არჩევნებამდე, პარტიის ლიდერის თქმით, ,,უზააარმაზააარი” შედეგი რომ ჰქონდა. და ვინ თქვა, რომ შედეგი არა აქვთ, აი შედეგიც: აქტივისტები გაქცევიათ და თავიანთი "შეფისთვის", მოსკოვისთვის გაუგზავნიათ შეტყობინება, ფულის ამბავი დავაჩქაროთ, თორემ დავრჩით პარტიაში მხოლოდ ძიძიგური, კუკავა და გუჯაბიძეო, და ვიღას გამოვიყვანთ აქციებზე, ყველაფერი წყალში ჩაგვეყრებაო.