5 ოქტომბრის ასტროლოგიური პროგნოზი
ვერძი
სასიკეთო დღეა ისეთი საქმეებისთვის, რომელიც სწრაფ რეაგირებასა და შედეგების დადებას მოითხოვს. მთავარი პირობაა არ ჩაერთოთ კონფლიქტებში კოლეგებისა და ხელმძღვანელი პირების წინააღმდეგ.
კურო
დღეს კარგი იქნება ფულის გონივრული დაბანდება პერსპექტიულ საქმეში. ყურადღებით გაიაზრეთ ყოველი წვრილმანი და მიიღეთ თამამი გადაწყვეტილებები სამომავლო ბიზნესისთვის.
ტყუპები
გაიხსენეთ ძველი პარტნიორები, შეხვდით მათ და ერთად განიხილეთ საქმის განვითარების ახალი გზები, კარგი იქნება ერთობლივი საქმიანობის დაწყება, მთავარია ძალიან არ აჩქარდეთ.
კირჩხიბი
ნუ გათქვამთ საიდუმლოს და ნუ დააჩქარებთ მიმდინარე მოვლენებს, ახლა სასიკეთოა რაიმე ახალი სასწავლო კურსით დაკავდეთ, იზრუნეთ თვითგანვითარებაზე. გქონდეთ მხოლოდ საკუთარი თავის იმედი.
ლომი
შეანელეთ თქვენი საქმიანობის ტემპი და კარგი იქნება თუ ახლო მეგობრებთან გააანალიზებთ სხვადასხვა საჭირბოროტო საკითხებს, შესაძლოა მეტად პერსპექტიულ იდეაზე შეჯერდეთ.
ქალწული
ელოდეთ ინტრიგებს, იზრდება კონკურენტთა რაოდენობა. ყველაფერი რაც გესმით, სიმართლეს არ შეესაბამება. იყავით ფხიზლად, რათა დროული მანევრირებით საქმეში წინ წაიწიოთ.
სასწორი
იმუშავეთ თავდაჯერებულობაზე, მაგრამ საკუთარი თავის მიმართ კრიტიკულობაც წაგადგებათ. დაისახეთ თამამი მიზნები. იმ შემთხვევაში თუ პარტნიორები მხარს დაგიჭერენ შეგიძლიათ თამამი ნაბიჯებიც გადადგათ.
მორიელი
ოჯახურ საკითხებში ცვლილებები შეიტანეთ, წამოიწყეთ რაიმე საოჯახო საქმიანობა, შესაძლოა ამ ყველაფერმა დიდი ენერგიის ხარჯვა გამოიწვიოს, მაგრამ ეს ყოველივე სამომავლოდ წარმატების გარანტი იქნება.
მშვილდოსანი
მოერიდეთ ავანტიურას, მიუბრუნდით ძველ საქმეებს, დაიხმარეთ პარტნიორები წამოწყებული საქმეების მოგვარებაში, კარგად გათვალეთ სამომავლო სტრატეგია და პერსპექტივები.
თხის რქა
მოუფრთხილდით საკუთარ თავს, ზედმეტად ნუ გადაიტვირთებით. ნუ შეგაშფოთებთ ოჯახში მოულოდნელი პრობლემები და ახლობლების უნდობლობა. აკეთეთ თქვენი საქმე და იზრუნეთ ჯანმრთელობაზე.
მერწყული
ძველი შეცდომების გამო ნუ იტყვით უარს ახალ გეგმებზე, გონივრული მოქმედებით შეძლებთ წარმატებით განახორციელოთ თქვენი პროექტი.
თევზები
ყურადღება მიაქციეთ სამყაროს მინიშნებებს, იქნება ეს სიზმრები, შეგრძნებები თუ სხვა. შეადგინეთ სამომავლო გეგმები, მოახდინეთ ძველი იდეების კორექტირება და იზრუნეთ ოცნებების ფრთაშესხმაზე.
მსგავსი სიახლეები
კომენტარი