რა დაადგინა გამოძიებამ ყაზბეგის გამზირზე მომხდარ მკვლელობასთან დაკავშირებით?
საქართველოს შინაგან საქმეთა სამინისტრომ ალექსანდრე ყაზბეგის გამზირზე მომხდარი მკვლელობა გახსნა. ამასთან დაკავშირებით სამინისტრო განცხადებას ავრცელებს.
"შსს-ს თბილისის მთავარი სამმართველოს დეტექტივების სამმართველოსა და დაცვის პოლიციის დეპარტამენტის თანამშრომლებმა,
ცხელ კვალზე ჩატარებული ოპერატიული ღონისძიების შედეგად, განზრახ მკვლელობის ბრალდებით, 1965
წელს დაბადებული სერგო პ. დააკავეს.
გამოძიებამ
დაადგინა,
რომ დაკავებული 20 მარტს, ალექსანდრე ყაზბეგის გამზირზე მდებარე ვალუტის გადამცვლელ პუნქტში, თავის მეგობარ რომან გაბეხაძესთან მივიდა, რომელიც ამ პუნქტში ოპერატორად მუშაობდა. მათ შორის წარმოიშვა ურთიერთშელაპარაკება,
რა დროსაც სერგო პ–მ რომან გაბეხაძეს ცივი იარაღით სხეულზე მრავლობითი სასიკვდილო ჭრილობა მიაყენა და ადგილიდან მიიმალა",-აღნინულია შსს-ს ინფორმაციაში.
მათივე ცნობით, სამართალდამცველებმა
ბრალდებული
მკვლელობიდან
რამდენიმე
წუთში დააკავეს. დანაშაულის ჩადენის იარაღი – დანა ამოღებულია. დაკავებული აღიარებს ჩადენილ დანაშაულს.
გამოძიება
სისხლის სამართლის კოდექსის 108–ე მუხლით მიმდინარეობს. ჩადენილი დანაშაული 7-დან 15 წლამდე პატიმრობას ითვალისწინებს",
- ნათქვამია
შსს-ს განცხადებაში.
მსგავსი სიახლეები
კომენტარი